طارق الشناوي: السينما المصرية تراجعت.. ومطلوب فتح الأبواب لمناقشة قضايا مجتمعية بحرية

الناقد طارق الشناوي

حل الناقد طارق الشناوي ضيفًا على الإعلامي هيثم بسام في برنامج ورقة في ملف المذاع على شاشة قناة النهار، للمناقشة حول وضع السنيما والدراما المصرية في الوقت الراهن ومدى تأثيرها على القوانين في المجتمع.

وقال طارق الشناوي خلال الحلقة: إحنا تراجعنا في السينما، أنا بحضر أهم المهرجانات في العالم، والفيلم المصري الطويل قلما يتواجد في المسابقات الرسمية، وعندما يتواجد لا يحظى بأي جائزة ونلاقي الفيلم التونسي والسوداني واليمني متفوق.

وأضاف طارق الشناوي: مطلوب فتح الأبواب لمناقشة قضايا في المجتمع، يعني مرة كان فيه حوار درامي إن اللي متخرجش من معهد المسرح ميبقاش فنان وده لا يعني إنه حقيقة ولكن جملة في حوار على لسان شخصي، فأشرف زكي طلع بيان وانفعل، وفي مرة في فيلم عمارة يعقوبيان الصحفيين اعترضوا على شخصية رئيس التحرير وقالوا إحنا كده مش سياق درامي وكانوا عايزين يرفعوا قضية.

طارق الشناوي يعلق على إقامة دورة إستثنائية لمهرجان الجونة السينمائي

وعلى جانب آخر، سبق وأن علق الناقد الفني طارق الشناوي، على الدورة الاستثنائية لمهرجان الجونة السينمائي، والتي عقدت هذا العام بدون احتفالات تضامنًا مع الشعب الفلسطيني، الذي يعاني من حالة الإبادة الجماعية، التي يشنها العدو الصهيوني في غزة، حيث قال في لقائه: إقامة المهرجانات أمر ضروري وحتمي، ودرس بليغ إن إحنا لا نطفئ الأضواء، وأن أي تظاهر ثقافي فني وترفيهي من الممكن أن يعبر عن الحدث.

خالد يوسف ينفعل على طارق الشناوي بسبب فيلم الإسكندراني: أنا مبتشعبطش على اسم حد

ووجه خالد يوسف رسالة شديدة اللهجة للناقد طارق الشناوي، قائلًا: أنا مبحبش الكلام اللي يتعمل عناوين والناس تصدقه، أنا أقدر أقول عنوان يقطم الرقبة، يعني فكرة محاولة الشعبطة على أسامة أنور عكاشة، زي ما حاولت اتشعبط على يوسف شاهين وكتبت زمان، أنا مابتشعبطش على حد يا طارق أنا طول عمري ناجح الحمد لله، أنت بتتكلم على 13 فيلم أنت نفسك قايل في مقالتك فيلمين مجابوش إيرادات، يعني بنسبة أكثر من 80 % أفلامي ناجحة ورائجة وبتدخل مهرجانات وبتنجح، فأنا مابتشعبطش على نجاح حد ولكن يشرفني أعمل عمل لأسامة أنور عكاشة.

ومن جانبه رد طارق الشناوي، على حديث المخرج خالد يوسف، قائلًا: الفيلم السينمائي يدافع عن نفسه مش المخرج اللي يدافع عنه، المخرج يعتبر أن الدفاع عن الفيلم قضيته وأنا نجم وأنا محصلتش وأنا اللي كسرت الدنيا وتاريخي وجغرفيتي لأ، الفيلم فيه مشاكل كتير، النهاردة حتى على مستوى الرقم ليس هو الأعلى، والواقع بيقول لما تنزل فيلم جديد لازم اللي قبله يتراجع، ورد عليه خالد والإيرادات متهكما برضه جزء من النقد العلمي ورد طارق بعيدًا عن الأرقام أنا مش فاهم يعني العوضي أختفى في الفيلم 10 سنين، شوفي صورته قبل 10 سنين وبعد 10 سنين لم يحدث أي تغيير في الزمن ودي مسئولية المخرج.

ورد عليه اجيبلك صورتك انت شخصيا في منتصف العشرينيات والتلاينيت مش هتلاقي فرق، وأكمل المخرج خالد يوسف، رده على الناقد طارق الشناوي، مؤكدًا أن نقده نابع من كراهيته له، قائلًا: أنا مبدافعش عن فيلمي، أنا بتكلم عن العناوين اللي أنت بتحطها، أنت بتقول بيتشعبط ودي كلمة مُهينة وأنا رديت عليها، النقد يا طارق ضلع من أضلاع الإبداع، مثلث الإبداع مبدع وجمهور وناقد، دي مسألة أنا مُسلم بيها، لما ألاقي حالة نقدية علمية قدامي هحترمها لو ماسكة الفيلم مشرداه، لكن الانطباعات الصحفية اللي أنت بتقدمها للناس على إنها نقد وفاكر إني لا أجرؤ أرد عليها؟ لأ هرد عليها يا طارق وهقولك دي انطباعات صحفية بتنم عن فكرة كراهية خالد يوسف لأني قولت عليك أنت مش ناقد أنت بتكتب انطباعات صحفية.