الفنان تامر حسني
شهدت الساعات الأخيرة الماضية حالة من الجدل، وذلك بعدما أعلن الفنان تامر حسني أنه هيطرح فيلم تاج الجديد، وهو أول فيلم بطل خارج مصري، ليقوم المنتج أحمد السبكي بنشر صورة من كواليس تحضير أحمد فهمي تقديم شخصية الراجل العناب مرة أخرى.
أحمد فهمي: الرجل العناب هو أول سوبر هيرو
وعلق أحمد فهمي على هذا الجدل وقال في تصريحات لموقع إي تي بالعربي: “أول سوبر هيرو هو فيلمي الرجل العناب، ولكن الناس ممكن تكون ربطت ده بفيلم تاج لتامر حسني، لما أعلن عنه وكتب أول فيلم لبطل خارق، وبعدها نشر السبكي صورة بنفس المضمون، وأنا مش محتاج أقول إن الرجل العناب هو سوبر هيرو لأني قدمته قبل كده منذ 10 سنوات”.
مسلسل الرجل العناب
مسلسل “الرجل العناب” قصة أحمد فهمي، هشام ماجد وشيكو، سيناريو وحوار ولاء شريف، إخراج شادي علي وبطولة أحمد فهمي، هشام ماجد، شيكو، صلاح عبد الله، يوسف عيد، سامي مغاوري، إنجي وجدان، بيومي فؤاد، أحمد فتحي، ميريت أسامة، إنتصار، ماهر ماهر، محمد أسامة “أوس أوس”، علي ربيع، محمد علي رزق وأيمن منصور.
وكانت تدور أحداث مسلسل الرجل العناب حول بيرم والذي يَكتشف عن طريق الصدفة تركيبة يتحول كل من يتناولها إلى إنسان خارق، وبعد إجراء التجربة على الشاب البسيط عصفور يبدأ الثنائي في محاربة الجريمة، بينما تمر علاقتهما بالعديد من الخلافات.
أما الفيلم، جاري التعاقد مع مخرج أمريكي لإخراج كافة مشاهد الجرافيكس والإشراف على المؤثرات البصرية الخاصة بالعمل، وسيتم عقد جلسات عمل على السيناريو والإعلان عن كافة التفاصيل الأخرى قريباً.
فيلم تاج
أما تامر حسني، فقد طرح بوستر فيلمه الجديد “تاج” الذي يشارك في بطولته عد كبير من النجوم ومنهم بيومي فؤاد، وساندي، وتواصل الشركة المنتجة التعاقد مع باقي الأبطال المشاركين في العمل، والعمل من تأليف تامر حسني، وإخراج سارة وفيق.
ويدور فيلم تامر اتامر حسني في إطار كوميدي فانتازي، حول تامر حسني الذي يجسد شخصيتين لأخوين توأمين يمتلكان قوة خارقة، اسمهما تاج وهارون، ويمران بالعديد من الأزمات مع تتابع الأحداث.
جدير بالذكر، أنه كان قد خرج أحمد التهامي لـ يتهم تامر حسني بسرقة فكرة فيلمه الجديد “تاج”، فكتب عبر حسابه الرسمي بموقع التواصل الإجتماعي فيسبوك: “أنا سكت كتير عن حقي عشان ما زعلش حد مني أتشلت من أدوار كتير وقولت مش مهم ولحد دلوقتي مش واخد حقي الفني والأدبي والمادي اللي يليق بمجهودي وتعبي في مشواري الفني، وقولت كل شيء نصيب والحمد لله على حب الناس والدنيا مستورة والحمد لله.. إنما توصل إن مشروعي مشروع عمري اللي أنا تعبت فيه في كتبته ولفيت بيه على معظم شركات الإنتاج، ولسه عندي يقين وإيمان بالله إن هيجي يوم وأعمله”.
وتابع: “أنا أول واحد من ١٠ سنين فكرت في فكرة البطل الخارق وطول الفتره دي كان يتسرق أجزاء من الفيلم وأقول عادي.. إنما ( التوائم الخارق ) ده بتاعي ومسجله في المصنفات والشهر العقاري”.
وبعدها خرج التهامي واعتذر للفنان تامر حسني على الملأ وأكد أنه أساء الفهم بسبب تشابه قصة العملين ولكن عندما تواصلت معه الشركة المنتجة للعمل تأكد من أن العملين مختلفين تمامًا عن بعضهم البعض، ووجه الشكر والاعتزاز لـ تامر حسني
وكشف تامر حسني من خلال رده على التعليق بالصعوبات التي واجهته في بداياته، مؤكدًا أنه مر بالعديد من الصعاب وتعرض لإهانات كثيرة.
وكتب تامر حسني: أنا مر عليا كل الأحاسيس دي زمان مع كمية إهانات كبيرة من ناس غير مقتنعة بيا كانوا بيوصلوا دايمًا إني نكرة وإني قليل، وعمري ما هوصل، بس دايمًا كنت بقول مادام غيري نجح يبقى أنا هقدر وأحاول تاني وملیون، ويتقفل باب أخبط على 10 غيره لحد ما ربنا كرمني.
وأضاف تامر حسني: وبعد كرمه ليا دخلت في صعاب وحروب تانیة برضو تهد جبل وبنيتي الكويسة وعدم الإساءة بالإساءة، وبالتركيز في ورقتي فقط يعني شغلي بس، عرفت أتغلب على كل الصعاب دي والحياة كده يا عايزة مقاتل.
ورد تامر حسني على تعليق من إحدى متابعيه التي كتبت فيه أنها شعرت بأن حياتها كانت عبارة عن أحلام فقط لم يتحقق منها شيئًا.
ورد تامر حسني كاشفًا عن قصة كنتاكي وكيف تحول صبره لحلم كبير: يا أم عبد الرحمن أنا الحقيقة معرفش ظروفك ولا سبب يأسك الكبير، بس عايز أقول لك قصة صغيرة كان في ولد صغير اسمه كولونيل ساندرز، كان بيحلم أنه يكون مميز في طعم الأكل لأنه بيطبخ كويس فراح بيمشي بعربية فراخ يبيع في الشوارع لحد سن 70 سنة مش بيأس ولا بيُحبط، وفجاه ربنا أراد له بقدرة كن فيكون أن الناس تحب خلطة الفراخ اللي بيعملها فيشجعوه يعمل محل صغير بدل العربية.
وتابع تامر حسني: لو أنت غلطت في حاجة زمان، ده مش معناه إنك مينفعش تبقى ضد التصرف ده دلوقتي، دا مش نفاق انت بس كبرت وعقلت وفهمت وبقيت أفضل زي ما ربنا عايزنا نتطور للأفضل، فمتسمحش للناس إنهم يستخدموا ماضيك عشان يهدوا فكرك الحالي دلوقتي.
