عمر كمال يهاجم البرامج الحوارية في رمضان: مش لازم أجيب سيرة بنات الناس عشان أبقى تريند

الفنان عمر كمال

هاجم الفنان عمر كمال بعض البرامج الحوارية التي تقدم في رمضان، وتستضيف نجوم الفن، وتكشف أسرارهم وخباياهم، وأزماتهم مع أبناء كارهم، إذ قال إنه يرفض الظهور في تلك البرنامج، خاصة أن هذا العام ليس لديه عملًا جديدًا يستدعى استضافته في برنامج، مؤكدًا أنه يكن لمقدمي هذه البرامج كل الاحترام والتقدير.

وكتب عمر كمال منشورًا، عبر حسابه الشخصي بموقع التواصل الاجتماعي فيس بوك، قال فيه: لأي برنامج حواري بيطلبني في رمضان، ده حاجة تشرفني وغالبًا بكون بحترم جدًا المقدم بتاع البرنامج وفوق راسي، لكن الحقيقة أني معنديش حاجة جديدة أتكلم فيها.

وتابع عمر كمال: يبقى مش لازم أظهر في برنامج، أخبط في فلان غصب عني عشان أعمل تريند، أو حد يجيب لي صورة علانة ويخرجني برة شعوري، ونجيب سيرة الناس وبنات الناس.. مش لازم أكون موجود في رمضان بأي حاجة وخلاص.

تصريحات عمر كمال عن البرامج الحوارية

وأضاف عمر كمال: لو مليش وجود يبقى مش لازم أكون موجود، فيه 11 شهرا في السنة، ممكن أكون موجود فيهم بأي شكل أنا عاوزه، لكن البرامج اللي من النوعية ديه بطلع منها خسران مش كسبان، مع كامل احترام لكل البرامج ديه والقائمين عليها.

ومؤخرًا، طرح عمر كمال أغنية جديدة بمناسبة حلول شهر رمضان، والتي تحمل اسم أهلًا يا رمضان، إذ نشر صورة له من كواليس تسجيلها، عبر حسابه الشخصي بـ انستجرام: كل سنة وأنتم طيبين، دلوقتى أغنية أهلا رمضان موجودة على اليوتيوب مع الصوت الجميل سيف مجدي.

كلمات الأغنية أهلًا رمضان

وتقول كلمات الأغنية: جهز الفانوس ع الكآبة دوس.. هيأ النفوس جانا رمضان جانا بعد شوق رجع الهدوء دوب الفروق رجع روح زمان سهرة م الطويلة وسط ناس جميلة أحلى أصحاب.. وعيلة لم دول ودول ده معنى السعادة فرحة وبزيادة شهر الخير يا سادة قول ورايا قول.

أهلا أهلا رمضان رجع فرحتنا زمان طول حبة ماتجريش فرحنا كمان وكمان.. اعمل احتفال جمع العيال أخ عم خال كله ع الفطار جهز التمور حضر السحور شهر خير ونور حلو ليل نهار سهرة م الطويلة وسط ناس جميلة أحلى أصحاب وعيلة لم دول ودول ده معنى السعادة فرحة.. وبزيادة شهر الخير يا سادة قول ورايا قول أهلًا أهلًا رمضان رجع فرحتنا زمان طول حبة.. ماتجريش فرحنا كمان وكمان.

أخر أعمال عمر كمال

وكان المطرب عمر كمال طرح أغنية النجمة البعيدة، احتفالًا بعيد الحب، الذي يوافق يوم 14 فبراير الماضي، إذ طرح هذه الأغنية عبر قناته الرسمية، بموقع الفيديوهات الشهير يوتيوب.