كتبت: ياسمين ياسر
مسلسل الغرفة 207
أبدي الكاتب تامر حبيب عبر صفحته الشخصية علي موقع التواصل الاجتماعي الشهير فيسبوك رأيه في الحلقات الأولي من مسلسل الغرفة 207، بعد طرحه علي منصة شاهد .
وعلق تامر حبيب قائلا : عادة لما بأتفرج علي مسلسل مابرضاش اكتب انه عاجبني و اهني صناعه غير لما اخلص كل حلقاته… بس المسلسل ده بالذات آنا قارئ حلقاته و متحمسله من زمان، و انفرجت علي اول حلقتين النهاردة، و اتبسطت بجد، و فرحان بيه كأنه مسلسلي، و مستني باقي الحلقات علي احر من الجمر… مبروك يا صاحب كل اسم علي تيتر المسلسل ده، مبروك يا صحابي يا شطار، يا مجتهدين، ياللي بذلتم مجهود مضني علشان انا و امثالي من الجمهور نتشوق، و ننشد، و نستمتع، و نتبسط علشان فيه ناس محترمين و موهوبين احترمونا ” .
وكان قد علق الكاتب والسيناريست تامر حبيب، على أزمة الفنانة شيرين عبد الوهاب عبر حسابه الشخصي على موقع التواصل الاجتماعي “إنستجرام”.
وكتب تامر حبيب: “شيرين عبد الوهاب من أهم أصوات العالم العربي ده بس اللي يخصنا.. يا ريت نتمنى لها الخروج من أزمتها بالسلامة ونسيب الناس في حالها عشان يسيبونا في حالنا”
تامر حبيب يروي تفاصيل لقائه الأخير مع شيرين عبد الوهاب
تحدث السيناريست تامر حبيب عن كواليس لقائه الأخير مع الفنانة شيرين عبد الوهاب قبل أزمتها الأخيرة ودخولها إلى المصحة النفسية للعلاج من الإدمان.
وقال حبيب في تصريحات لبرنامج MBCTrending : “الست دي صديقة عزيزة جداً على قلبي، ومن أنضف وأطيب الصحاب اللي عرفتهم في حياتي، وهي في محنة وأزمة، وكل ما تحتاجه إننا ندعو لها تقوم بالسلامة”.
ورداً على سؤال: هل حدث لقاء بينكما في الفترة الأخيرة؟ قال: “اتقابلنا مؤخراً في الساحل، وكانت ابتدت ترجع للحياة ولشيرين اللي نعرفها ومقبلة على الحياة، ولما شفتها عيطت نص ساعة زي ما قالت من كتر الحنين ولإنها كانت واحشاني”. وأضاف: “كنت حزين إن واحدة بهذه القيمة الفنية الكبيرة جداً يحصل معاها كده، وفاكر يومها إننا رقصنا على أغنية صح”.
واختتم تامر حبيب تصريحه قائلاً: “متأكد إن ربّ ضارة نافعة، وشيرين هترجع أحسن ألف مرة. خليكوا فاكرين إن كل الأزمة دي مش هتأثر فيها قد الكلام الجارح، وشيرين محبيها كتير في كل الدنيا، وحبهم واصل لها لإنهم بيقعدوا لها تحت المستشفى”.
