المطرب حمو بيكا
حل المطرب الشعبي حمو بيكا ضيفًا في برنامج العرافة الذي تقدمه الإعلامية بسمة وهبة، وتحدث خلال اللقاء عن بدايته الفنية مع المطربين عمر كمال وحسن شاكوش.
وقال حمو بيكا في تصريحات لـ برنامج العرافة مع الإعلامية بسمة وهبة، إنه ساعد كلا من المطربين الشعبيين عمر كمال وحسن شاكوش، قائلًا: أنا ساعدتهم ووقفت جنبهم وكلهم باعوني عشان أنا أهبل وحظي وحش وأستاهل، وكانوا بياخدوا 400 جنيه دلوقتي بياخدوا 40 و50 ألف بسببي.
وأضاف حمو بيكا: أنا مابعرفش أقرأ ولا أكتب بس أنا أسرع من عمر كمال وحمو بيكا في إني أغني، ولما بييجوا يقفوا على المايك ويغنوا معايا بيبقى الأداء بتاعي أحسن وأسرع.
حمو بيكا: عمر كمال مبيعرفش يغني
كما تحدث حمو بيكا عن عمر كمال خلال اللقاء، وأكد أن الأخير لا يجيد فن الغناء، موضحًا: ورب اللي خلقني عمر كمال مابيعرفش يغني ويعني إي صوته حلو هي مش بالصوت، وأنا صوتي على قدي وليا جمهور كتير والناس كلها بتحبني.
كما أكد حمو بيكا أنه كان يوجه حسن شاكوش أمام الميكرفون، مضيفًا: كنت بوجه حسن شاكوش يقف قدام المايك لما ييجي يغني، وهو اللي جه يقولي عايز أغني معاك ومكنتش أعرفه، وأنا كنت عمرو دياب الغلابة وعندي الدليل.
واختتم: حسن شاكوش مكنش عنده استوديو وهو بيحط ممول عشان أغانيه تجيب مشاهدات.. أول أغنية عملتها لحسن شاكوش جابت 15 مليون مشاهدة.. وأنا اللي طلعته للنور ولما اتشهر والغرور خده مني بقى يعمل أغاني لوحده.
تصريحات حمو بيكا عن فرح حسن شاكوش
وأردف حمو بيكا: أنا وقفت في فرح حسن شاكوش للآخر، وهو بيقول كل الناس مخدتش فلوس بس الله أعلم محدش يعرف حاجة، أومال هو صرف الـ 4 مليون على إيه، وفي مطربين خدوا منه فلوس لكن الفنان تامر حسني مخدش فلوس وهو شخص طيب.
وأضاف حمو بيكا: حسن شاكوش بيحب السهر مش بيحب الشغل.. أنا بشتغل مش بسهر وهو مش مركز في شغله.. أنا العالم كله يعرفني ولكن هو لأ.. وساب مراته وراح بيسهر ومراته بتنصحه بتقوله انزل اشتغل.
جدير بالذكر أن برنامج العرافة لـ بسمة وهبة يعرض على شاشة قناة النهار، وهو من إخراج إيهاب أبو زيد، ومنتج فني والي ولي الدين، ويترأس التحرير شريف بديع، ويهتم بكشف أسرار الفنانين والمشاهير، إذ يعد من أشهر البرامج في مصر، ويعد استكمالًا لسلسة البرامج التي تقدمها بسمة وهبة في الشهر الكريم من كل عام، والتي تعتمد على كشف أدق تفاصيل النجوم وأسرارهم وإظهار الوجه الآخر في حياتهم.
