الفنانة ليلى زاهر
فجرت الفنانة ليلى زاهر عدة تصريحات حول مسلسل أعلى نسبة مشاهدة، وذلك خلال حلولها ضيفة على برنامج يحدث في مصر الذي يقدمه الإعلامي شريف عامر.
وقالت ليلى زاهر عن انتصار في تصريحاتها: كانت بتزود في المشاهد كلام وكانت بتضيف كلات مثل سيبي الموبايل أنتي طول الوقت فاتحاه، وكانت بتأكلنا رز بلبن .
وتابعت، المساحة في الأدوار ما بتفرقليش، وأي حاجة الورق والمخرج وشركة الإنتاج ولازم الورق يكون حلو، وجالي تهديدات على شخصية شيماء.
من جانبه، طرحت الفنانة ليلي أحمد زاهر، فيديو كليب أغنيتها الجديدة «كلمة أخيرة» عبر موقع الفيديوهات يوتيوب، والتي قامت بتصويرها في لبنان.
والأغنية من كلمات محمد حسن، وألحان وتوزيع إسلام زكى، وتعتبر أغنية «كلمة أخيرة» هي أولى أغنيات الفنانة ليلى أحمد زاهر بشكل رسمى، وذلك بعدما خاضت تجربة الغناء حيث سبق وغنت في حفل تخرجها أغنية «سقفة» وسط تفاعل زملائها.
كلمات أغنية «كلمةأخيرة»
أنا من زمان خوفتنى
هزيتلى ثقتى وسبتنى
جيتلك عشان كان نفسى أعيش
وأنا جيا أعيش موتنى
بقى دى النهاية وده اللى بتحاسب عليه
أنا من زمان خوفتنى
ولغيت مشاعرى هزمتنى
إزاى هقول وبأى عين
شوفتك ف يوم بتحبنى
جاوب سؤالى وقولى مره كسبت إيه
حكايات وعود مين اللى قال
مش برضه كان إحنا
مين اللى علقنا ف غرام
وأذانا و جرحنا
حكايات وعود مين اللى قال
مش برضه كان إحنا
لو كان راحتنا ف الفراق ده ياريته ريحنا
و نهاية حبى فيك فى كلمة أخيرة ليك
محتاجه أنام
وأصحى ف يوم ألاقي قلبى نسيك
أنا طول حياتى كلها
حابسه مشاعرى لوحدها
قافله عليها الباب عشان
ماتجيبش حد يذلها
أنا كنت فاكرة ده اللى هيجيب الأمان
وأما فتحت الباب لقيت
أذيتها ومعاها إتأذيت
ياريت فضلت لوحدى يوم
ولا حد قرب منها
ولا حد حاول يبقى ليه أصلا مكان
حكايات وعود مين اللى قال
مش برضه كان إحنا
مين اللى علقنا ف غرام
وأذانا و جرحنا
حكايات وعود مين اللى قال
مش برضه كان إحنا
لو كان راحتنا ف الفراق
ده ياريته ريحنا
شكرآ عشان بإيديك قطعت علاقتي بيك
مستغربه إزاى ف يوم وقفت حياتي عليك
