الفنانة هند صبري
حلت الفنانة هند صبري ضيفة على برنامج “ألبوم صور” مع إيناس سلامة الشواف على راديو إنرجي ٩٢.١، وقالت إن في حياتها تعرضت للصدمات من عده أشخاص ولكنها تعلمت الكثير.
وعن الصور مع المعجبين قالت في تصريحاتها: “بدأت أحط نفسي مكان الجمهور واحيانا بضطر اضغط على نفسي علشان صورة مثلا حد طلبها و لا ارغب في ترك انطباع دائم عني عند اي حد ويكون سيء”.
وقالت هند صبري ان خلال مشوارها الفني تعلمت الكثير، قائلة:”عندي هوس بالتفاصيل لانها هي اللي بتفرق في اي عمل عن الآخر واتعملت اني متمسكش باللي انا عايزاه واخذ كل الآراء والزوايا من أجل العمل”.
وعن نظرتها للحياة قالت:”مفيش زاوية واحدة للحياة، الحياة مليانة بالتفاصيل ولازم تشوف الصورة من اكثر من زاوية الحياة، ولازم يكون عندك مرونة لكل ال الآراء والزاويا ومن غير مرونة الدنيا بتكون صعبة”.
وأكملت:”المبادىء في الحياة لا تقبل التجزأ يعني مينفعش يكون في اكتر من زاوية للكذب والخيانة”.
وبسؤالها عن صور الأبيض والأسود، قالت: “بحن للأبيض والأسود لإن فيها ذكريات وتفاصيل كتيرة”، وكشفت عن اختيارها دائما للصور الجماعية في أي عمل قائلة: “كلنا بنحب الصورة الجماعية خاصة في اي عمل علشان النجاح مش فردي”.
وعن الفرق بين التصوير قديما وفي الوقت الحالي، قالت : “التصوير زمان كان لتخليد ذكري حلوة بس في الوقت الحالي التصوير بيكون فيه جزء ملهوش لازمة وبرا الكادر”.
وختمت حديثها عن صور غزة، قائلة: “الصور اللي كنا بنشوفها من غزة هي صور لأول إبادة عرقية بتحصل على الهواء قدام العالم وللاسف العشرات الاف دفعوا الثمن بس ارواحهم خالدة “.
وسبق وأن تحدثت الفنانة هند صبري عن استقالتها من منصب سفيرة النوايا الحسنة لنظام الغذاء العالمي، وذلك من خلال لقاء لها ببرنامج et بالعربي.
وقالت هند صبري في تصريحاتها: أنا مواطنة عربية حسيت بالاحباط وحسيت أن في معايير مختلفة للإنسانية وحسيت أن في شرخ في العالم ولسه في عندي الاحساس دا، وكلنا كعرب حسينا بنفس الأشياء وأنا مش هتكلم في الموضوع ولا هتاجر فيه وبحترم جدا المنظمة اللي كنت سفيرتها واحترامي للناس اللي في الميدان اللي بيحاولوا كل يوم متغيرش ومختلفش، والنهاردة أنا عندي حرية أكبر أني أشارك في أشياء مكنتش قادرة اشارك فيها ومفيش ضغينة ابدا، ودا قرار شخصي واتحمل مسئوليته.
