السيناريست مدحت العدل
قال الكاتب والسيناريست مدحت العدل، إن محمد فؤاد هو أفضل مطرب نجح في مجال التمثيل.
وأضاف العدل خلال لقائه مع الإعلامي أحمد شوبير ببرنامج الوش التاني: محمد فؤاد هو روح الحارة المصرية، وهو أفضل مطرب مثل في العصر الحديث، وبشكل عام، ولا ينافسه في ذلك حتى محمد فوزي.
وضرب العدل مثالا بدور محمد فؤاد في فيلم أمريكا شيكا بيكا قائلا: شوف قدم الدور ازاي.. محمد فؤاد ممثل تقيل.
وفي نفس اللقاء تحدث مدحت العدل عن تأثير ونجومية الهضبة عمرو دياب.
وقال مدحت العدل: عمرو يمثل نجومية عبد الحليم واستمراريته لكن الزمن مختلف.
وردا على سؤال هل عمرو أصبح مثل عبد الحليم وأم كلثوم؟ قال: إذا عدينا النجوم اللي فضلوا في التاريخ والظواهر غير الطبيعية فعمرو دياب واحد منهم، هو سوبر ستار لمدة 30 سنة.
وتابع العدل: عمرو يملك ميزة كان يملكها عبد الحليم، وهي أنه يحب تنجيم الناس اللي معاه ويقدمهم وليس لديه مشكلة في ذلك على عكس أسماء أخرى.
وحل الكاتب والسيناريست مدحت العدل ضيفا على الإعلامي أحمد شوبير في برنامجه الرمضاني “الوش التاني” الذي يقدمه عبر أثير إذاعة أون سبورت أف أم في رمضان.
وقال مدحت العدل: محمد رمضان نجم كبير جدًا، وممثل هايل طول عمري بحبه وبحترمه، وعلى المستوى الفني مؤمن بيه جدًا.
وتابع: وعلى المستوى الإنساني هو إنسان جميل وراقي ومواعيده مظبوطة وعمره ما اتأخر، وفيه كل المميزات اللي نتمناها في حد نشتغل معاه.. وفيلم ع الزيرو كان تجربة كانت هايلة، والحمد لله إنهم بيقولوا إنها تعتبر بداية حقيقية لمحمد رمضان في السينما.
وسبق وأن كشف السيناريست والمؤلف مدحت العدل عن رأيه في منافسة أفلام موسم الصيف هذا العام، مؤكدًا على أن المنافسة شيئًا جيدًا، ويصب في مصلحة السينما المصرية.
وقال مدحت العدل في تصريحات خاصة : أنا بحب المنافسة ولو مفيش منافسة مش هجود ولازم الناس تعرف أن المنافسة شيء جيد، وأن أنا لما ببقى لوحدي، ايه حلاوة أني أجيب إيرادات ومفيش غيري، لكن لما بنبقى مع بعض، كلنا بنجود وبنحاول نقدم أحسن ما عندنا وكل دا بيصب في صالح السينما المصرية اللي هي القوة الناعمة.
أما بسؤاله عن السبب وراء تعاون شركة “العدل جروب” مع نجوم محددين فقط، قال مدحت العدل: احنا بنشتغل مع كل الناس، محمد رمضان اشتغلنا معاه قبل كدا في نسر الصعيد وكسر الدنيا، اشتغلنا مع منة شلبي في حارة اليهود، واشتغلنا مع ريهام حجاج، ومع نجوم الشركة زي يسرا ونيللي كريم وهكذا.
