«واثقة من نفسها وتستاهل أشيلها فوق راسي».. بدرية طلبة تكشف تفاصيل تعاونها مع ياسمين عبدالعزيز
كتبت: ياسمين ياسر
الفنانة بدرية طلبة
كشفت الفنانة بدرية طلبة عن رأيها في الفنانة ياسمين عبدالعزيز حيث أكدت أنها فنانة واثقة من نفسها وتحب العمل مع الممثلين الجيدين.
وقالت في لقاءها مع برنامج مساء الإمارات: «فيه نجمة ممكن تبقى فيديت وتخاف مني فدي بتخليني أدلق الكلام وأقول يارب استر وامشي».
وتابعت: «ياسمين عبدالعزيز بتخدم عليا في الشغل، تفرش لي وأنا أرمي، وبتعمل ده مع الناس اللي بتحبهم وبتتفاءل بهم مثل أنا وإيمان السيد وحسن عبدالفتاح».
وأوضحت: «ياسمين بتجيب الناس اللي بيعملوا الحاجة الكويسة يقفوا قدامها عشان هي واثقة من نفسها، وكمان هي حد مش يتحب بس ده أنا أحطها فوق دماغي».
أحمد العوضي يتغزل في ياسمين عبدالعزيز: «ما سابتنيش لحظة في مرضي»
وكان قد تحدث الفنان أحمد العوضى عن زيارة طليقته الفنانة ياسمين عبدالعزيز له في المستشفى، بعد تعرضه لوعكة صحية.
وقال أحمد العوضي، في تصريحات تلفزيونية منذ شهور، إنه شعر بتعب شديد مصحوبا بارتفاع في درجة الحرارة، ما استدعى نقله إلى أحد المستشفيات.
وعن زيارة ياسمين عبدالعزيز له، قال: «ياسمين بنت أصول، وهذا ما جذبي لها من البداية، وبالتالي ليس غريبا عليها وقوفها بجانبي في المستشفى بمجرد علمها بخبر مرضى».
وأضاف أحمد العوضي: «ياسمين حرصت على زيارتي منذ اليوم الأول، ولم تكتف بذلك ولكن كل يوم كانت معى بصفة مستمرة».
وعن الزعيم: حقه يرتاح وحق ولاده يحافظوا عليه، وبحترمهم جدًا لأن هما محافظين عليه في الوقت اللي لازم الناس ما تشوفهوش فيه، لأن إحنا وقفنا عند الأستاذ والزعيم، لازم يفضل في نظرنا في الصورة دي.
فيما قالت عن محمد إمام: كل اللي أقدر أقوله إنه متربي والتربية بتشمل كل حاجة في حياته.
هذا وقالت في برنامج نفسنة: يعني إيه سينجل ومش سينجل إحنا عايزين نلم الدنيا، ليه الطلاق وكل واحد يروح لحاله وتفرح؟ بنلاقيه على فيسبوك مكتوب إنها متزوجة وفرحانة، وتاني يوم تقول باركولي أنا سينجل، نباركلك على إيه؟ هو خراب البيوت بالساهل؟!.
وتابعت بدرية طلبة: عايزين نلم الدنيا وحالات الطلاق زادت أوي يا جماعة، وبتلاقي نفسك محتاسة في كل شئون حياتك، لكن لو الإنسان اللي في حياتك ميؤوس منه فأنا معاكي إنك تطلقي، أبغض الحلال عند الله الطلاق، لكن لو الحاجة تتصلح صلحيها يا بنتي وخلصي.
وأضافت: كلمة عانس تقيلة أوي، وبرا مصر الكلمة دي عندهم عيب، وأنا بقولهم دي بنهزر عندنا بيها، ولكن هي كلمة مؤلمة نفسيًا.
