الكبير أحمد شيبة
تصدر الفنان الكبير أحمد شيبة، حديث مواقع التواصل الاجتماعي المختلفة وذلك بعدما كشف مفاجأت جديدة عن أغنيته الشهيرة أه لو لعبت يا زهر، والتي حققت نجاحات كبير بمجرد طرحها عبر موقع الفيديوهات الشهير يوتيوب، وحازت على ملايين المشاهدات.
أحمد شيبة يكشف تفاصيل أغنية أه لو لعبت يا زهر
وقال أحمد شيبة في تصريحات تليفزيونية رصدها موقع الأجواء في الساعات القليلة الماضيةؤ متحدثا عن أغنية أه لو لعب يا زهر، قائلا: أغنية أه لو لعبت يا زهر كانت سبب كبير في التطور اللي حصل في مسيرتي الفنية والبداية كان آن واحد صحبي كلمني عن الأغنية وقولتله قابلني على القهوة وخدت الأغنية مقابل ألف جنيه.
أحمد شيبة عن أغنية أه لو لعبت يا زهر: مخدتش منها ولا جنيه
وتابع أحمد شيبة حديثه، قائلا: أنا كسبت من الاغنية دي 500 جنيه بس ولحنتها والموزع أشرف البرنس وزعها بعد سنة ونص كانت في العربية عندي وأضافت للأغنية كلام كان مكتوب على توكتوك بيقول “اللي ليه قرش مبينامش”، واهديت الأغنية لمحمد السبكي ومحصلتش منها على اي شيء.
تصريحات أحمد شيبة عن أغنية أه لو لعبت يا زهر
وعن التعاون مع السبكي، قال أحمد شيبة: أشرف البرنس كان السبب وهو اللي عرفني عليه بعد ما عرض عليه أغنية أه لو لعبت يا زهر ومعجبتهوش، ولكن الأغنية الناس عرفتني بسببها ولقيت صوري في كل مكان وحققت شهرة كبيرة ليا.
كلمات أغنية أه لو لعبت يا زهر
واتت كلمات أغنية أه لو لعبت يا زهر عغر النحو الآتي: اللي له قرش مابينامش ما بالك بقى باللي عليه ملعون أبوك يا فقر يا حاوجني للأندال ذليت عزيز النفس عشان عديم المال ملعون أبوكي يا عوزة ذلة السؤال قتال آه لو لعبت يا زهر واتبدلت الأحوال وركبت أول موجة في سكة الأموال أروح لأول واحد احتاجتله في سؤال كسر بخاطري ساعتها ودوقني ضيقه الحال أعمل معاه الصح انا وأسنده لو مال وأقف جنبه فى المحن وأكون طويل البال وأعرفه ان الفلوس مبتعملش رجال والحوجة مرة وياما بهدلت أبطال بعد ما ايدي للواطي اتمدت كنت عامل خدي مداس بحب الخير لكل الناس بقيت ع التراب بنداس ناس تخوني وناس تبيعني الدنيا كانت ولا فارقة مشيلتش انا قرش فى زنقة كل أما اتمنى حاجة تضيع، أضحك دقيقة أحزن أسابيع زهقت من كتر الترقيع ومش لاقيلي بر أرسى عشت الحياة بكل سذاجة مطلعتش م الدنيا بحاجة وهو مين واخد حاجة ما كله هيسيبها ويمشي.
