محمد فؤاد لـ ياسمين عز: أنا بأيدك وشكرا إنك نصرانا.. والست اليابانية بتشيل جزمة جوزها من على الباب

الفنان محمد فؤاد

أشاد الفنان محمد فؤاد بـ الإعلامية ياسمين عز وذلك خلال حلوله ضيفا على برنامجها الشهير “كلام الناس” والتي تعود به بعد غياب دام لشهور عديدة، حيث أشار “فؤاد” بأنه من مؤيديها.

محمد فؤاد لـ ياسمين عز: انتي نجمة كبيرة وعاملة حالة جامدة

وقال محمد فؤاد خلال لقائه مع ياسمين عز في كلام الناس ورصده موقع الأجواء: انتي نجمة كبيرة وعاملة حالة جامدة.. مفيش حد بينجح بالهوا لازم يكون ليه منتقدين في الأول شكرا إنك نصرانا بس نفسي المواسم الجاية تتكلمي عن حقوق المرأة بردو عشان الناس متفتكرش إنك في اتجاه واحد، أنا عارف إنك قاصدك تعمري بيوت وجاية من بيت متربي.

وتابع حديثه قائلا: عارف إنك بتتكلمي عن الرجالة اللي بتشيل زواجتهم وبتقدرهم وعارفة قيمتهم مش الجزء التاني اللي شايف إن المرأة ضعيفة أنا من مؤيدينك وبقولك استمري احنا معجبين بيكي.

محمد فؤاد لـ ياسمين عز: اتكلمي عن الست اليبانية اللي بتشيل جزمة جوزها

وطالب محمد فؤاد ياسمين عز بالحديث عن المرأة اليبانية، حيث قال لها: : الست اليابانية بتشيل جزمة جوزها من عالباب برة ومينفعش يمشي جنبها وهو شايل حاجة.

ووجه رسالة للسيدات، قائلا: متحكيش حاجة بينك وبين جوزك لأهلك عشان هو مبيسامحش في الحاجات دي وبتكسريه، لو محكتيش بيقدر ده وبيعرف قيمتك وبيخليه يحاول ميزعلكيش تاني، فمهما حصل بينكم متقوليش واكتمي جواكي، ومتكسرهوش عشان هيبيعك.

محمد فؤاد يعود للسينما بعد غياب

من ناحية أخرى، يستعد الفنان محمد فؤاد للعودة للسينما بعد غياب دام لسنوات عديدة، وذلك من خلال فيلم في قلب نيويورك بالتعاون مع المستشار تركي ال الشيخ، وكان قد تحدث فؤاد عنه خلال كلمته في المؤتمر الصحفي لحفله في مدينة جدة بالمملكة العربية السعودية، حيث قال: معالي المستشار تركي آل الشيخ أبدى نيته إنه هيعملي أكبر فيلم سينمائي، إحنا عملنا فيلم سينمائي وهو إسماعيلية رايح جاي، وفتح السينما لكل جيل، والفيلم اللي اتفقنا عليه اسمه في قلب نيويورك.

ولكن لم يخرج هذا العمل إلى النور حتى الأن ولا يتم سماع الأخبار عنه.