نورين شحاته مذيعة البيه والهانم تكشف عن تعرضها للتنمر بسبب حب الشباب

الإعلامية نورين شحاتة

فجرت الإعلامية نورين شحاتة عدة تصريحات خلال برنامجها البيه والهانم، والذي تقدمه بالتعاون مع الإعلامي ممدوح الشناوي، وذلك حول تأثير التنمر على الأطفال والمجتمع، عبر قناة القاهرة والناس الفضائية.

نورين شحاته توجه رسالة للأهالي

وقالت نورين شحاته: مساء الفل على كل أم بتربي ولادها صح، بتعرفهم يعني إيه هزار صح، يعني إيه ممكن أهزر مع صاحبي أو زميلي وممكن بشكل آخر اتنمر عليه وأعمله عقدة نفسي، والفرق بين الذوق والتنمر، وكل أب مش بيقول أن ده هزار لولاده بالعكس بيقول لهم ويفهم إننا لازم نحترم مشاعر الآخرين وناخد بالنا منهم لأننا ممكن نمرضهم ونعيهم.

تصريحات نورين شحاته 

وتابعت نورين شحاتة، أنا واحدة من الناس في يوم من الأيام وأنا عندي 17 سنة وكنت في ثانوي، زملائي تنمروا عليا لأني وقتها كان عندي حب شباب في وشي وحبوب كتير، فبدأ زمايلي الولاد يعملوا أغنية عليا، وعلى أساسها بترفض تسلم عليا وتبوسني، علشان ما تتعديش وما تتوقعوش في الفترة دي، كنت حاسة بإيه وممكن ده كان يأثر على دراستي.

تفاصيل تعرض نورين شحاته للتنمر

وأضافت نورين شحاتة، الحمد لله فترة وعدت وأنا أهو مذيعة قدامكم، وحتى لو شيلت الفونديشن بشرتي حلوة، لكن الموضوع أثر عليا عمر طويل، ويمكن لحد دلوقتي، على الرغم من أن الحدث مر عليه أكتر من 20 سنة، عندي مشكلة في الأسكين كير وبهتم ببشرتي جدا وبجيب كريمات كتير جدا وبحاول أحافظ على بشرتي زيادة عن الناس، ويمكن يكون ده الأثر اللي تركوا التنمر عليا ويمكن يكون أثر إيجابي مش سلبي، وعاوزة أقول للي بيتعرض للتنمر مش لازم يكون عندك مشكلة ممكن تكون حاجة عارضة وتروح.

وعلق ممدوح الشناوي قائلًا: الموضوع خارج الهزار والضحك، ما ينفعش تبقى قاعد في قاعدة وتطلع الإنسان اللي قدامك على المسرح وتخليه قمة السخرية، وهو من جواه مضايق وهيضحك عادي، التنمر مش لطيف، ولازم نفرق بين الهزار والتنمر، وبشكر كل أم وأم فهموا ولادهم الفرق بين الضحك والهزار والتنمر.

من جانبه، قالت مروة عبد المنعم خلال لقائها مع نورين شحاته: جات لي فكرة الحجاب في نفس سن بنتي وكنت في أولى إعدادي وقلت لماما قالت لي لما تكبري خدي القرار، كنت ساعتها عايشة روحانيات الحجاب خاصة أني كنت عايشة في السعودية.

وتابعت مروة عبد المنعم، مقتنعة جدًا بالحجاب وربنا عالم أنا ليه مش محجبة، وده حساب بيني وبين ربنا، وفخورة جدًا ببنتي وأتمنى ربنا يثبتها على الحجاب وسعيدة بالقرار اللي خدته، ولو جه عليها فترة وزهقت وخدت قرار تخلع الحجاب مش هقف ضدها.

وأضافت، أنا بيني وبين ربنا عمار كبير جدًا، وعندي علاقة خاصة بيني وبين ربنا ما يصحش أني أقولها لأني بحبها، وواثقة في ربنا وكرمه وحبه ليا وواثقة أنه بيحبني جدًا وبيبعت لي رسايل كتير جدًا وبيكلمني كتير جدًا.”