الفنانة بسمة بوسيل
كشفت الفنانة بسمة بوسيل طليقة نجم الجيل الفنان تامر حسني، أسرار عن أولادها الثلاثة وذلك في برنامج دقيقة نفهم.
علاقة بسمة بوسيل بأولادها
وقالت بسمة بوسيل: أنا طول الوقت شاغلاهم بحاجات تشغل دماغهم، هي بتبقى متعبة ولكن أحسن من أنهم يضيعوا وقتهم في اللعب، أنا بحس أن المدارس مبتعلمناش اللي الحياة بتعلمه لينا، وأنا بنمي البيزنيس في شخصية ولادي وبقيت أوديهم معايا اجتماعات، وبنتي عندها 10 سنين عملت براند لنفسها واختارت اسم واللوجو وكنت مبسوطة أوي بيها.
تصريحات بسمة بوسيل
وتابعت بسمة بوسيل، ولادي علموني حاجات كتير أوي وأولهم أعرف قيمة أمي، وهما أكبر إنجاز عملته في حياتي وهما الحب الحقيقي وأصدقائي، بيحسسوني بأحلى المشاعر اللي في الدنيا بدون مقابل، وهما طول عمرهم أولوية بالنسبة لي ربنا إدالي أحلى حاجة في الدنيا.
وأضافت، طبيعي أن ولادي يطلعوا بيغنوا علشان صوتي وصوت أبوهم، وحاسة إن أمايا هتبقى نجمة.
انفصال بسمة بوسيل وتامر حسني
هذا وأوضحت، أصعب قرار خدته في حياتي هو الطلاق، لأنك بتبني حاجات لمدة سنين وفجأة تكتشف أنها لازم تتهد، وأعتقد أولادنا متفاهمين موضوع الطلاق، لأنهم شايفين العلاقة بينا بقت أحسن.
وتحدثت نضال الأحمدية عن انفصال بسمة بوسيل وتامر حسني قائلة: تامر صديقي وحبيبي، وبسمة طلباتها ما بتخلصش من تامر، وأنا كنت بحس بالاضطراب في العلاقة ومدى إحراج زوجته له، حتى تامر كان بيضطر يعمل بعض الأشياء حتى يداري على أفعالها ويكلم الصحفيين يشيلوا أخبار عنها، وهي كانت بتفرض شروط عليه وهو بيسكت لأنه عنده أولاد، وتامر شخص بيحب الستر والعائلة خاصة لأنه عاش طول عمره بعيد عن أبوه وأغلب الوقت مع أمه، ويريد أنه يكون عائلة خالية من أي أخطاء وذنوب ويعيش أولاده أحلى حياة وهي كانت بتعمله مشكلات في حياته وبتغير عليه.
وتابعت، ما قيل عن خيانة تامر واللي قالته بسمة لما كتبت حسبي الله ونعم الوكيل فيكي يا هالة، كل هذا كلام مش مظبوط، وبغض النظر عن المعلومات اللي مش ممكن تتعرف غير من تامر، تامر قد إيه عنده شرف؟! تامر ولا ممكن يحكي حتى معي أنا.
وأضافت، عيب جدًا استخدام بسمة لأطفالها عشان تغيظ طليقها تامر حسني، لو القضاء يفحص الأمر هياخدوا الأطفال منها، لأن الحضانة لها شروطها ومقدساتها، واللعب بالأطفال زي القنبلة الموقوتة تستخدمها الأم.
واختتمت حديثها قائلة، فيه أمر لاحظناه دائمًا ليه المرأة فضائحية؟ فين عاداتنا وتقاليدنا؟ الرجال حامل هذه التقاليد بجدعنة زي تامر ووائل كفوري قصي خولي وكاظم الساهر.
