محمود العسيلي: الحياة لازم تستمر برغم أحداث غزة.. وشيرين بتعافر عشان ترجع للقمة

المطرب محمود العسيلي

أشاد المطرب محمود العسيلي بموهبة وصوت الفنانة شيرين عبد الوهاب، مشيرًا إلى أنها من أعظم الأصوات، وذلك خلال لقاء له ببرنامج حبر سري مع المذيعة أسما إبراهيم.

محمود العسيلي وشيرين عبد الوهاب

وقال محمود العسيلي: هي صوت من أعظم الأصوات في تاريخ الوطن العربي وملهاش زي كإمكانيات صوتية، وربنا يوفقها في اختيار الكلام الصح وحفلاتها في جدة كانت مفاجئة، وكل إنسان بيمر بتجارب كتير في حياته وفي ناس بتبقى أهم حاجة بتعافر وشيرين بتعافر وبترجع ورجعت.

رأي محمود العسيلي في وقف الغناء بسبب أحداث غزة

وفي الحلقة ذاتها، كشف محمود العسيلي عن رأيه في إلغاء الحفلات والغناء بسبب أحداث غزة الجارية، فقال: الغناء والحفلات جزء من شغلنا وفيه بهجة واحتفال ولكن هو مثل أي شغل آخر، الحياة لازم تستمر وممكن تفكر تتبرع بجزء من حفلاتك لغزة أو الهلال الأحمر وده اللي هنعمله في حفلات شهر فبراير هنتبرع بجزء كبير لمواطني غزة.

واضاف: في الأول الوضع كان صعب وهو لسه صعب لكن الحياة لازم تستمر ولازم نشتغل والإنسان لازم يساعد بشكل إيجابي مش شعارات ولازم يكون في حاجة مفيدة على الأرض لأن الناس اللي بتهاجم بتروح شغلها، وفي ناس مسئولين معهم عائلات، والمساعدة تكون بحاجة إيجابية.

أبرز تصريحات محمود العسيلي في جوسيبس

وسبق وأن حل المطرب محمود العسيلي ضيفًا على برنامج جوسيبس، الذي يذاع عبر منصات مواقع التواصل الاجتماعي المختلفة، وأثناء الحلقة كشف العسيلي الكثير من الأمور التي تخص حياته الشخصية والفنية، ومن أبرز تصريحاته:

مش هروح مدينة فيينا تاني، لأن الشيشة فيها بتخلص الساعة 12 بليل

ودا يخليني مكملش في البلد دي خالص، لأني بعد العشا لازم أشرب شيشة

مستحيل أزرع شعر أو أحط باروكة

أنا عاجبني شكلي كدا، شكلي وأنا بشعر كان غريب جداً

وارتحت جدًا لما طار ومش عايزه يرجع تاني أبدا

صحابي البنات بيقولولي يا عسولتي

مش بحب الرمرمة في الأكل ومش باكل فول غير من على العربية