أحمد العوضي عن رفع ياسمين عبد العزيز علم فلسطين في حفل: محدش قال أمنع شغل بس نحترم مشاعر الآخرين

الفنان أحمد العوضي

أوضح الفنان أحمد العوضي سبب ظهور زوجته الفنانة ياسمين عبد العزيز وهي تحمل علم فلسطين في حفل توزيع جوائز وشوشة، بعدما أجابت على أسئلة الصحفيين بجملة “هقصد بيها إيه في الظروف اللي إحنا فيها دي”.

وقال أحمد العوضي في لقاء مع et بالعربي: “هي بتقول للناس إننا متضامنين مع الشعب والقضية الفلسطينية وكلنا قلبا وقالبا فنانين وجمهور مع الشعب الفلسطيني”.

وتابع: ” فكرة أننا نكون على قد الحدث مينفعش النهاردة يبقى في ضرب وأنا طالع ببين للناس إني مش حاسس بيهم، محدش قال أمنع شغل بس نحترم مشاعر الآخرين، الحاجة اللي كنت متعود أعملها يوميا مع الناس هقللها أو معملهاش عشان احترم إخواتي”.

ياسمين عبد العزيز تكشف تفاصيل وعكتها الصحية

وفي سياق مختلف، تحدثت ياسمين عبدالعزيز عن أزمتها الصحية قائلة: كنت بموت وجاتلي رسالة “التربى بيجهز التربة” وقلت لأخويا الكبير خلى بالك من ولادى..مش قادرة اصدق انى قاعدة فى برنامج واتكلم عن الموضوع ده..3 حاجات مبتشريش بالفلوس: الصحة الاحترام وحب الناس”.

تصريحات ياسمين عبد العزيز 

وتابعت ياسمين عبد العزيز، أنا كنت داخلة أعمل العملية ودكتور النساء هو الدكتور الشخصي ليا، والحالة اللي عندي موجودة عن الكثير من السيدات، وأول عملية قامت بعملها للمرض الذي كان عندي من وأنا عندي 16 سنة، مضيفة أنا عملت حوالي 4 عمليات في نفس الشهر.

وأضافت، رحت للدكتور وقلت له عايزة أعمل العملية، ومن ساعة مسلسل “اللي مالوش كبير”، ده ومجاش ليا يوم سعيد جالي كورونا مرتين والمشكلة بتاعت العملية، موضحة أنها دخلت لعمل العملية ولم تخبر أي شخص بها، وكانت تقوم بعمل عمليتين في نفس الوقت، وبعد خروجها من العملية خرجت منها بألم شديد، وكنت بقول ليهم أنا بموت”.

واستطردت، العملية اللي عملتها اتسببت في خرم القولون وجالي تسمم في الدم وكنت بموت استمر معايا لمدة 3 أيام، وقالوا لي لو ما دخلتش العمليات خلال ساعة هاتموت.. ولما دخلت العملية كنت حاسة إني بموت وداخلة العملية ومش هخرج منها تاني.