ابنة مروة عبد المنعم بعد ارتدائها للحجاب: فخورة بأمي.. علمتني أقرأ القرآن وحببتني في ربنا

الفنانة مروة عبد المنعم

تحدثت حور ابنة الفنانة مروة عبد المنعم عن ارتدائها للحجاب، وعن الهجوم الذي تعرضت له والدتها، لعدم حجابها، حيث أشارت الابنة إلى أن والدتها السبب في ارتدائها للحجاب، وأنها فخورة بها.

وقالت حور ابنة مروة عبد المنعم، خلال فيديو لها عبر فيديو على تطبيق تيك توك: قررت ألبس الحجاب عشان أنا مسلمة وعشان ربنا، وحسيت إني عايزة أتحجب.. وليه ماما تتهاجم دي حرية شخصية.

وأردفت حور: أنا عايزه أتحجب.. ماما مش عايزة تتحجب عادي وبردو أنا فخورة بماما وهي مش بتلبس حاجات مفتوحة وهي اللي ربتني، لو أنا مكنتش متربية صح مش هكون عايزة أتحجب أكيد هي اللي علمتني أصلي وأقرأ قرآن هي اللي حببتني في ربنا وبسببها أنا بقيت عايزة أتحجب، وياريت كل واحد يبقى في حاله ودي حاجه بينها وبين ربنا.

ومن جانبها، قالت مروة عبد المنعم عبر الفيديو: أنا فخورة ببنتي جدًا، وكنت فاكرة إنها هتقعد بيه يوم ولا يومين وتخلعه، لكن الحمد لله بقالها أسبوع بـ الحجاب.

مروة عبد المنعم وابنتها حور

وسبق، ونشرت مروة عبد المنعم، مجموعة صور جمعتها بـ ابنتها بالحجاب، عبر حسابها الشخصي بموقع التواصل الاجتماعي فيسبوك، وعلقت قائلة: فخورة بـ بنتي أيوة بنتي اتحجبت وأنا لسة.. كفاية بقى تنمر يا جماعة وكلام غريب بسمعه.. وإزاي البنت اتحجبت وماماتها لأ.. يا جماعة اللي هيحاسبني بس هو ربنا.. هو اللي عالم بالخبايا.

مروة عبد المنعم: أجرت شقتي علشان أقدر أصرف

وعلى جانب آخر، سبق وأن كشفت مروة عبد المنعم أنها مرت بأزمة مادية واضطرت لعرض منزلها للإيجار، وقالت في تصريحات تليفزيونية: أجرت شقتي التمليك وعشت أنا في شقة إيجار عشان أقدر أصرف على ولادي.

وتابعت مروة عبد المنعم: أنا ممكن أعيش بـ 200 جنيه أو 1000 جنيه ولكن بشيل جزء من الفلوس للمستقبل لأن لو مش معايا فلوس مش عارفة هروح فين، والمشكلة أن الجمهور دايما شايف الفنان عنده بنك ولكن ده غير حقيقي.

أما عن تجربة الطلاق، فعلقت مروة عبد المنعم قائلة: دايمًا أقول الطلاق له رهبة زي رهبة الموت، مهما كنتي مؤهلة نفسك للطلاق، لكن في حياة جديدة بتتبني، حياة لوحدك مفيش بابا أو زوج، وأنتي مطلقة مع الحياة شيء مرعب ومسئولية تحدي قوي جدًا وصعب.