الفنانة ناهد السباعي
رحلت عن عالمنا في الدقائق القليلة الماضية المنتجة الكبيرة ناهد فريد شوقي والدة الفنانة ناهد السباعي وذلك بعد صراع طويل مع المرض.
وفاة المنتجة ناهد فريد شوقي
وجاء خبر الوفاة على صفحى الفنانة أية سماحة بموقع التواصل الاجتماعي فيسبوك، حيث كتبت: لا حول ولا قوة إلا بالله، انتقلت إلى رحمة الله أمي التانية ناهد فريد شوقي، إن لله وإن إليه راجعون.
وتابعت، كاشفة عن تفاصيل الجنازة: الصلاة الجنازة عصرًا في مسجد الشرطة في الشيخ زايد.
ابن ناهد فريد شوقي يطالب بتكريمها
ونشر محمد السباعي على حسابه الرسمي بـ فيسبوك صورة تجمع بين والدته ناهد فريد شوقي والأعمال التي أنتجتها معلقًا: مش آن الأوان بقى أننا نكرم الهانم صانعة الفن الجميل.. الهانم ناهد فريد شوقي.
كما كتب محمد السباعي على حسابه الشخصي بـ انستجرام: حلوة فيا و في حياتي.. اجمل و ارق و احن و أطيب وأجدع أم في الدنيا.. بحبك و بحترمك و بقدرك كإنسانة قبل حبي ليكي علشان أمي.. شكرا للي علمتني الرجولة و المسؤولية مع أني طلعت عينها.. شكرا للي ربتني علي الإحترام والذوق.. شكرا علشان إحساس الأمان اللي بحسه بمجرد ما أسمع صوتك.. شكرا لأنك خلتيني أمشي دايمًا رافع راسي و فخور بيكي وبكلام الناس عنك.. شكرا علشان حاربتي دايمًا علشان فنك و عمرك ما قبلتي أي ضغط أو ظروف لتغيير شخصيتك أو قراراتك.
وتابع: شكرا لحكمتك و رزانتك اللي العالم كله نفسه يبقي زيك فيها.. شكرا لمساعدتك دايمآ ليا رغم استهتاري كتير وأنا صغير.. شكرا لأني مهما كنت بعمل ايه و بنتخانق أو تزعقيلي، بس عمرك ما حسستيني أنك مش بتحبيني مهما عملت.. و دايمًا عارف غلاوتي عندك اللي مفيش زيها في الدنيا
شكرًا على الدلع اللي محدش في الدنيا أدلع زيه.. وشكرًا علي حضنك اللي بيحسسني أني في الجنة..
أنتي أحلي رزق ربنا ممكن يرزق بيه حد.. أنا بحس إن ربنا بيحبني علشان اختارني أبقى ابنك.. بحبك اكتر من نفسي و من الدنيا و ما فيها.
