النجمة غادة عبد الرازق
عبرت النجمة غادة عبد الرازق عن صدمتها لوفاة الفنان أشرف عبد الغفور نتيجة تعرضه لحادث سير مروع.
غادة عبد الرازق تنعي وفاة أشرف عبد الغفور
ونشرت غادة عبد الرازق صورة للراحل أشرف عبد الغفور عبر حسابها الرسمي بموقع تبادل الصور والفيديوهات القصيرة إنستجرام وعلقت قائلة: لا حول ولا قوة إلا بالله إنا لله وإنا اليه راجعون مش قادرة أصدق طبعًا ماحدش فينا يغلا على الخالق كلنا رعاية الله ومنه وإليه راجعون بس كنا لسا بنبعت لريهام مبروك على التكريم ومكنش فيه حاجة بعدها بكام ساعة ده حصل.
غادة عبد الرازق تعلق على وفاة أشرف عبد الغفور
وأضافت، أستغفر الله العظيم الواحد اتصدم ربنا يرحمك يا أستاذ يا راجل يا محترم يا جميل يا كل الصفات الحلوة كانت فيك ويصبرك يا بنتو بجد ويقويكى يا رب العالمين بولادك وإخوانك وأهلك وجوزك اللهم آمين يا رب العالمين ومش عارفة الصراحة أقول إيه تاني.. الجنة ونعيمها بإذن الله.
على الصعيد الآخر، قالت غادة عبد الرازق: فيه ناس بتقولي انتي حوت تمثيل وفيه ناس تقولي انتي غول تمثيل، وفيه ناس تقولي انتي الشخصية بتركبك لدرجة إن إحنا بنخاف منك.. وكل الجمل دي بتخليني أتمسك أكتر بالشيء اللي أنا بحبه.
تصريحات غادة عبد الرازق
وكشفت عن تعرضها للخيانة الزوجية: “جربت الحكاية دي ودايمًا أعذارهم واهية واهية.. أي كلام.. دايمًا أقول كده.. الراجل بيخون غادة عبد الرازق بقى.. جينفير لوبيز”.
وتابعت، مؤخر الصداق بتاعي كان 25 قرش.. وممكن أتقدم لراجل وأطلب منه الجواز.. لكن ما عملتش ده قبل كده.. فكرت فيه أه.. مش هقدر أقول مين بس حد كان أكبر مني في السن مش من الوسط الفني.
وقالت عن المخرج خالد يوسف: “خالد حالة.. أي واحدة تتمنى إنها ترتبط بيه.. بس إن أنا أتقدم له دي بيتهيألي واسعة شوية.. مش هو اللي لازم يتقدم لي؟ نوعية الراجل اللي أطلبه للجواز نوعية مختلفة”.
وأوضحت عبد الرازق خلال لقائها في برنامج «MBC Trending» عن سبب عدم حضورها المهرجانات: “الناس في منتهى الاحترام وبيعزموني بس هي تركيبة شخصيات وأنا مش من الشخصيات اللي تلبسيها وتقوليلها امشي على الريد كاربت.
واستكملت غادة حديثها قائلة: أنا شخصية مبتكلمش كتير فمطلوب مني مجهود كبير البس واحط مكياج وامشي على الريد كاربت واتكلم مع الناس واعمل 50 انترفيو، لا مش شخصيتي مبحبش الزحمة ولا الكلام الكتير ولا الاضاءة الكتير لأن عشت فيها حياتي”
