داليا البحيري: الفن هو النور اللي بينور قلوب الناس.. ولازم نذيل العقبات في المسرح

 الفنانة داليا البحيري 

كشفت الفنانة داليا البحيري عن تفاصيل تجربتها في مسرحية سيدتي أنا على خشبة مسرح الدولة، وذلك خلال لقاء لها ببرنامج الحياة اليوم عبر شاشة تلفزيون قناة الحياة.

 تصريحات داليا البحيري في الحياة اليوم

وقالت داليا البحيري: كون أني اشتغل مسرح تبع الدولة تحدي كبير جدا لأي فنان، فيه معوقات كتيرة جدا، عشان بس الفنانين بيتظلموا وبيتقال هما ليه مش بيشتغلوا مسرح دولة، فيه معوقات فظيعة، احنا في مسرحية سيدتي الجميلة قعدنا نعمل بروفات 9 شهور.

وتابعت: وبنحاول نذلل العقبات لكن في حاجات برا ايدينا، احنا عايزين ننور مسارحنا بالفن والفنانين، لأن الفن هو النور اللي بينور قلوب الناس وعقلهم.

إصابة داليا البحيري

وسبق وأن كشفت الفنانة داليا البحيري عن إصابتها بتمزق في صباع الإبهام، أثناء عرضها مسرحية سيدتي أنا، وهو الأمر الذي جعلها لا تستطيع القدرة على فعل أي شئ.

وكتبت داليا البحيري عبر حسابها الرسمي بموقع تبادل الصور والفيديوهات القصيرة انستجرام: حادثة صغيرة على ماقسم كده اختل توازني على المسرح ووقعت واقعة جامدة حبيتين.. نزلت بكل حملي على إيدي وحسيت برجة جامدة في دماغي.. وجع رهيب إيدي ورمت قلت بس أنا اتكسرت كملت العرض الحمد لله وطلعت على الطوارئ هوب إشاعة هوب الحمد لله مفيش كسر بس في مزق في وتر الإبهام أدى إلى أن العضمة اتحركت من مكانها يا ختي.

وتابعت: فكل ده تمام وألف حمد وألف شكر إنها بتيجي على قد كده.. المشكلة بقى يا جماعة في إني اكتشفت إني مش عارفة اعمل أي حاجة بمعني أي حاجة من غير الصباع ده.. لا عارفة البس ولا اقلع ولا افتح ازازة المايه مش عارفة اشيل حاجة مش عارفة افتح باب العربية ومش عارفة أسرح شعري ولا أغسل وشي ولا أي حاجة.. وكمان مش عارفة اعمل scroll مش عارفة اعمل like.. آه والله الـ Like بتوجعني جدا.. بس برضو الحمد لله دائمًا وأبدًا.. ما يقع إلا الشاطر.