المطرب رامي صبري
أعلن المطرب رامي صبري تأجيل حفلته التي كان من المقرر إقامتها يوم 20 أكتوبر بالأردن، تضامنًا مع شعب فلسطين، وذلك من خلال منشور عبر حسابه الشخصي على موقع تبادل الصور والفيديوهات إنستجرام.
وكتب رامي صبري: “تضامنًا مع شعب فلسطين الحبيبة.. تم تأجيل حفلة ليالي بالاردن والذى كان من المقرر تاريخها ٢٠/١٠/٢٠٢٣”، وقد حاز المنشور على إعجاب عدد كبير من الجمهور والمتابعين.
رامي صبري يعتذر لطلبة كلية الآداب بالإسكندرية
وسبق وأن حرص المطرب رامي صبري على تقديم اعتذار لجمهوره من طلبة كلية الآداب بالإسكندرية، بعد إلغاء حفل تخرجهم، وذلك من خلال منشور عبر حسابه الشخصي على موقع التواصل الاجتماعي فيسبوك.
وكتب رامي صبري: جمهوري في الإسكندرية، وتحديدا طلاب كلية آداب أولا ألف مبروك على التخرج وربنا يوفقكم دايما.. ثانيا والأهم عندي لازم تعرفوا أني بحبكم جدا جدا، وبعتذرلكم تاني لعدم وجودي معاكم في حفل تخرجكم اليوم.. وأكيد مش أنا السبب.
وتابع: في سوء تنظيم كبير وعدم احترام الاتفاقات اللي تمت بيننا وبين الشركة المنظمة للحفل علشان الحفل يطلع بأحسن شكل ممكن من حيث الصوت والمسرح والشاشات وده للأسف محصلش لحد قبل الحفلة بيومين مفيش اهتمام ابدا وأنا شخصيا تدخلت وقولت أنه كده الحفله هتتلغي الرد كان فيه سلبية كبيرة وعدم اهتمام بالحفل من عند الشركة المنظمة حذرت أكتر من مرة على مدار يومين مفيش فايدة.
رامي صبري: من 23 كنت يشتغل مع محمد الحلو
وعلى صعيد أخر، حرص الفنان رامي صبري على مشاركة ذكرياته مع الجمهور وذلك منذ بدايته الفنية حتى الآن، مشيرًا إلى أن النجومية والشهرة لا يأتي عن طريق الحظ ولكن يأتي بالسعي والطموح.
وقال رامي صبري عبر حسابه الرسمي بموقع تبادل الصور والفيديوهات انستجرام: صورة من ٢٣ سنه تقريبا الفرق بنهم كبير جدا في الصوره اللي فوق كنت بشتغل كورال مع الفنان الكبير محمد الحلو . وكنت وقتها ببتدي اشتغل علشان افهم يعني ايه مسرح وجمهور واذاي اتعامل مع الناس في الشغل . وكنت دايما عارف انها مرحلة تعليمية وهاتمشي مش هقف عندها علشان كده مكانش عندي طموح فيها . فضلت اشتغل كورال مع معظم النجوم ساعتها لحد ما لحنت لفضل شاكر وعامر منيب الله يرحمه وبعدين شيرين اول ما ابتدت، وكل ده عارف ان هدفي لسه مجاش .
