هاني فرحات: فننا في خطر ولازم نناقش مشاكل الغناء الشعبي والراب ونحط حلول تحافظ على هويتنا

المايسترو هاني فرحات

كشف المايسترو هاني فرحات عن تفاصيل الدورة الـ 32 من مهرجان الموسيقى العربية وذلك خلال المؤتمر الصحفي الذي يعقد الأن في دار الأوبرا المصرية بالمسرح الصغير.

هاني فرحات: احنا فننا في خطر وهنعمل يوم للموسيقى المعاصرة نستهدف فيه الأجيال الجديدة

وقال هاني فرحات خلال المؤتمر الصحفي الذي يعقد الأن: احنا فننا في خطر ودور المؤتمر العلمي هيناقش المشاكل دي ونوع الشعبي والراب، وهنطلع بحلول واضحة عشان نحافظ على هويتنا وفنونا من الهجمات على الفن.

وتابع حديثه: حاولنا السنادي نقدم جميع أنواع الفنون، وهنعمل يوم للموسيقى المعاصرة والحديثة نستهدف فيه الأجيال الجديدة، عشان يعرفوا فولكولور بلدهم وتراثهم، وأتمنى نكون في صف واحد واحنا منغيركم منقدرش نخطي خطوة واحدة، انتو سند للمهرجان ولدار الأوبرا،

واختتم: احنا بنعمل المهرجان في عز المشكلات الاقتصادية والسياسية، وأتمنى الدورة تلاقي استحسان الناس.

هاني فرحات ومشاركته في حفل ذكريات هاني شنودة

ويذكر، أن هاني فرحات قد أعرب عن سعادته البالغة بالمشاركة في حفل ذكريات هاني شنودة والذي أقيم في المملكة العربية السعودية وشهد تألق كبير لعدد من نجوم مصر والوطن العربي، وقال هاني فرحات: أنا اتصدمت لما عرفت إن هاني شنودة الموسيقي الرائع اللي عامل الموسيقى التصويرية لأفلام عظيمة زي المشبوه وشمس الزناتي وهو اللي عامل زحمة يا دنيا زحمة لأحمد عدوية، هذا الرجل مؤثر جدا، وقولتله بعد الحفلة أنت تستاهل أكتر من دا بكتير، وكان سعيد بشكل غير طبيعي.

هاني فرحات: استمتعت بموهبة كايروكي وعمرو دياب

وتابع: أنا صحيت تاني يوم مكتئب لأن الفرحة والحلاوة دي خلصت، واستمتعت بوجود فرقة زي كايروكي وموهبتهم وعمرو دياب ومنير وغناهم سوا، ومفيش أحلى من كده فخر، كانت راسي في السماء بسبب وجود الفنانين الرائعين الكبار دول، وبدأت اشتغل على المشروع دا من شهرين، وأحب أشكر الموسيقي محمد العشري اللي عمل دمج رائع لموسيقى هاني شنودة وأخرجها باحترافية، أنا أكتر واحد محظوظ وسعيد أني كنت جزء من المشروع دا.