الفنانة فريدة سيف النصر
أعلنت الفنانة فريدة سيف النصر إصابة ابنة شقيقها بمرض سرطان الرئة، وذلك من خلال منشور عبر حسابها الشخصي على موقع التواصل الاجتماعي فيسبوك.
إصابة ابنة شقيق فريدة سيف النصر بمرض السرطان
وكتبت فريدة سيف النصر: الأخبار اللي بقيت تتمنى ماتوصلكش أو تكون مش حقيقة تكون حلم.. اللهم لا اعتراض بعد وفاة جيسي القمر اللي رحلت من غير سبب ضاعت الثقة.. وٱدي أحلى بنات العيلة كلها دوددا دودي.. بنت اخويا في الثلاثينات سرطان رئة ازاي طيب ومرحلة متأخرة أمتى طيب.
وتابعت: ولا كان باين افتكرته كحة أو برد أو كتمة نفس علشان الرطوبة.. هي قالت كده حبيبتي بنتي أطيب وأحن وأنظف بنوتة جدعة ورجولة وخدومة مش بتاعت لا نت ولا غيره ولا استعطاف على حساب عائلتها مش خبيثة ولا حقودة وبتعشق الحيوانات إنسانة بجد.. طيب ليه.
واختتمت: سامحني يارب قلبي مكسور، وروحي مش مصدقه أن روحها ممكن تمشي وتسيبنا، ربي اني لااسالك رد القضاء ولكني اسالك اللطف فيه.. يعز عليا عجزي لانهم فاكرين اني سوبر وومن بس ماباليد حيله… ياريت بإيدي تفديكي الدنيا واللي عليها وكل مااملك بس تخفي يا الله رحماك.
فريدة سيف النصر: بتعرض للسرقة بشكل علني
وسبق وأن كشفت الفنانة فريدة سيف النصر عن تعرضها للسرقة من قبل مدبرة منزلها والتي تساعدها في أعمال منزلها بشكل علني، مستعينة بالجمهور ليكشفوا لها كيف تتصر في هذا الموقف.
وقالت فريدة سيف النصر عبر حسابها الرسمي بموقع التواصل الاجتماعي فيسبوك: لما يكون عندك حد نافعك أوي؛ لأن مش أي حد يحب الكلاب، وأنت كل شوية حاجات بتتاخد بجد مش هزار وحاجات باينه أوي، يعني هدوم مش أي حاجة لازم ينقصوا يتاخدوا على نصين مرتين واختفاء قصري، ترجع ترمي لك نص فتتخيل أنك أنت اللي مادورتش وفجأة اختفاء كامل.
وتابعت: ده بقى غير مفروشات قسمًا بالله أطقم كاملة بمخداتها ونظارات، اكسسوار، جزم، أدوات مطبخ كاملة، والله العظيم ما بقى في حاجة كاملة خالص أول بأول، ومفيش حد تاني بيعمل الحاجات دي خالص عشان تشك في اتنين، أول ما تغير مكان حاجة بحجة النظام أعرف إنها هتاخدها أو تلخبط الأدراج وكله يتكعبل في كله، أما أنا فأنشغل في حاجات وحاجتي فعلَا تختفي، أعمل إيه؟ أواجها وأنا مبحبش أحرج حد واجرحها؟ ولا أمشيها واحتاس ودوول عائة كاملة نافعاني؟، ولا أروح عندهم على غفلة زي ماقالوا لي.. وطبعًا مش ممكن أبدًا أعمل كده.
