المذيع خالد عليش
يواصل المذيع خالد عليش سرد معاناته مع حرمانه من رؤية ابنته للجمهور، وذلك من خلال منشور عبر حسابه الشخصي على موقع تبادل الصور والفيديوهات إنستجرام.
وكتب خالد عليش من خلال خاصية استوري: متأكد أن هيجي يوم وكل حاجة تكون أحسن، بس اللي مزعلني أن الأيام بتعدي والعمر بيعدي معاها ومفيش جديد بالعكس الأمور بتتعقد أكتر.. حسبي الله ونعم الوكيل.
خالد عليش: بلاش تستسهلوا الانفصال
وسبق وأن أعرب المذيع خالد عليش عن استيائه من زيادة نسبة الطلاق في الفترة الأخيرة، وذلك من خلال منشور عبر حسابه الشخصي على موقع التواصل الاجتماعي فيسبوك.
وكتب خالد عليش: أنا بزعل جدًا لما بعرف خبر عن اتنين بيحصل انفصال بينهم خصوصا لو عدى على علاقتهم سنين وعشرة وبينهم أطفال.. أنا مؤمن جدًا أن الانفصال حتمي في حالة المشاكل الكبيرة والوصول لحائط مسدود وأما تخلص كل الحلول المتاحة ويمكن ده اللي حصل معايا في تجربة زواجي الأولى أنا مكنتش عايز انفصل بس فجأة مفيش حل غير الانفصال.
وتابع: أنا طبعا معرفش رواية كل اتنين انفصلوا ولا ايه الاسباب ورا ده ويمكن يكونو جربو كل الحلول وفشلو.. بس اللي أنا شايفة أن النسبة بتزيد أوي بقى في استسهال واستغناء والحالات كترها بقى يخوف أوي احنا مبقناش باقيين على بعض ولا قادرين نستحمل بعض لا ست ولا راجل.. مش مرتاحة معاه هامشي.. مش مرتاح معاها هاجري.
تهنئة خالد عليش لزوجته بعيد ميلادها
وعلى صعيد أخر، حرص المذيع خالد عليش على تهنئة زوجته مريهان عمرو بمناسبة عيد ميلادها، وذلك من خلال منشور عبر حسابه الشخصي على موقع تبادل الصور والفيديوهات “إنستجرام”.
حيث نشر خالد عليش صورة له رفقة زوجته، وعلق عليها قائلًا: “طبعا بدون الكلام الملزق.. عيد ميلاد مرمورة صديقتي.. والصورة دي قادرة تقول أنها مصدر سعادة مش عادية ليا وكل الناس اللي يعرفوها طول الوقت.. ربنا يديم روحك الحلوة، وكل سنة وأنتي أحلى واحدة”.
وكان قد حرص خالد عليش على توجيه رسالة رومانسية لـ زوجته ونشر مجموعة صور رومانسية تجمعه بزوجته، وعلق عليها، قائلا: الناس ارزاق في حياة بعض .. و انتي رزقي و عوضي اللذيذ.
