طليق علا غانم
تحدث عزيز حسن، طليق علا غانم، عن تفاصيل أزماته مع الفنانة بعد وقوع الخلع، والدعوات القضائية المقامة بينهما.
تصريحات طليق علا غانم
وقال طليق علا غانم خلال لقاء خاص: على طلعت على الميديا وعلى التلفزيونات، وقالت كلام كتير جدا عني، وأنا كنت ساكت مش بتكلم، وأنا جيت النهاردة عشان أقولكم الحقيقة اللي محدش يعرفها.
وتابع: موضوع الخلع عجبني في الأخر أن خلاص انفصلنا أنا وهي، أنما كموضوع خلع أساسي دا مكانش عاجبني جدا، لأني مش شايف أن الخلع للست أو للراجل كويس، وأنا فرقت شربات فعلا لأني كنت مبسوط جدا، لأنه حمل واتفك.
واستكمل: وأنا أخدت الكلام بتاعها اللي قالته مع بسمة وهبة، وقعدت افكر فيه، لقيت أن كلامها صحيح، لأنه كان مسلسل بنيته واستمرت فيه لمدة 17 سنة.
طليق علا غانم: اتضربت علقة حلوة من رجالتها
واضاف: وفي مرة اتضربت علقة حلوة واتكسرت من الناس بتوع علا غانم، وكان فيه توثيق للي حصل، أنا روحت للقسم بعتني على المستشفى، ووالدتها ضربتني بحديدة وعلا ضربتني بإزازة، وكان همها أنني مخشش الفيلا.
واستطرد: علا بالفعل اشترت الأرض بتاعت الفيلا سنة 2000 والله وأعلم مين اللي اشتراها، أنا اتجوزت علا 2005، وبنيت ليها فيلا في جمعية أحمد عرابي اللي على طريق الإسماعيلية، وكان عندي بيت في مساكن شيراتون، وبنيت ليها فيلا تانية في العين السخنة.
واختتم: وجات قالتلي ايه رأيك نبني في الأرض فيلا عشان شغلي وقريبة من مدينة الإنتاج، وبنينا حاجة صغيرة جدا، واستمر الموضوع دا لغاية ما الثورة حصلت، وجالنا تهديدات من جماعة قالت هنخطف أولاد علا ولازم تدفعلنا فدية 2 مليون دولار، واتقبض على الناس دول، وفي الوقت نفسه أنا قلقت على البنات ف سفرتهم أمريكا، وسفرنا وراهم، وفوجئت 2021 أنها عملت عقد بيع للفيلا بمبلغ 2 مليون.
علا غانم: كنت عملاله مرتب بـ 7 ألاف دولار في الشهر
وسبق وأن قالت علا غانم في تصريحات تليفزيونية: “احنا مكناش عايشين مع بعض أنا كنت مأجراله بيت وعملاله مرتب 7 ألاف دولار ومكنش عايش معايا في نفس البيت وعربيته وكل حاجة خاصة بيه أنا اللي بدفعه كان بيصعب عليا وسيباه عشان مكنش ليه مكان يعيش فيه اللي عيشته الشهر اللي فات هي دي الجريمة والكابوس اللي مش قادرة أصدقه”.
وأضافت: “خلاني أبيع بيتي من غير ما أعرف ونصب عليا والأذية مبقتش خيانة وكذب بس، أنا كنت وصلت لدرجة إنه مش عيزاه يلمسني وفيه ستات كتير جدا بتتخان وأما كنت بواجهة كان بيتهمني بالجنون”.
