أحمد كمال: شغلانة الفن صعبة عشان بنصور في عواصف ورياح.. ومش مستني شخصية معينة أقدمها

الفنان أحمد كمال

كشف الفنان أحمد كمال، معايير اختياره لأدواره، بجانب الحديث عن صعوبات مهنة الفن.

وقال أحمد كمال في تصريح خاص: مش مستني شخصية معينة عشان أعملها، أنا منتظر أي عمل فني جيد مكتوب بشكل جيد، وبحب الشخصية المعتنى بيها دراميًا ومحاولة الكاتب في الغوص بالشخصية وتاريخها وأحداثها وطموحها.

وأضاف: لو الكاتب قدر يغوص في الشخصية دا بيشدني ونمرة واحد بالنسبالي بتبقى الشركة المنتجة للعمل، لكن الشركات المجهولة في الغالب أنا مبشتغلش معاها، وبهتم بالشركات اللي ليها تاريخ وبتحترم الفنان، ولو جالي شغل من شركة بحترمها ببدأ أقرأ وأشوف السيناريو، ولو عجبني اللي مكتوب والشخصية وكمان لو المخرج متوافق مع أفكاري ده اللى بيحكمني للعمل.

وعن صعوبة مهنة الفن، أوضح أحمد كمال: شغلانة الفن صعبة علشان بنشتغل في ظروف طقسية صعبة زي العواصف والرياح وبنروح أماكن صعبة جدًا، وظروف الشغل في المسرح بتكون مختلفة أكثر عن الدراما والسينما في الترحال والمناطق المختلفة، فالشعلانة صعبة أوي علشان كده الشركات اللي معندهاش تنظيم مبثقش فيها.

كرمت الدكتورة نيفين الكيلاني، وزيرة الثقافة، أعضاء لجنة تحكيم مهرجان المسرح التجريبي خلال دورته الثلاثين.  

ومن أبرز المكرمين: الفنان أحمد كمال، عز الدين بونيت من المغرب، جهاد سعد من سوريا، رالوكا رادوليسكو من رومانيا، جيلز فورمان من إنجبترا، أسيموي ديبوراه كاوي من أوغندا، وذلك تقديرًا لمجهودهم في اختيار العروض الفائزة.

وتم التكريم خلال حفل ختام الدورة الثلاثين من مهرجان المسرح التجريبي، المُقام حاليًا بالمسرح الكبير بدار الأوبرا المصرية، بحضور: الدكتورة نيفين الكيلاني وزيرة الثقافة، والدكتور سامح مهران، رئيس المهرجان، وعدد كبير من الفنانين المصريين والعرب والأجانب.

مهرجان المسرح التجريبي

وشارك في عرض حفل الختام: الفنان تامر ضيائي، سارة عادل، ضياء الدين زكريا، وذلك بمشاركة رقصات من تصميم سالي أحمد، وجرافيك رضا صلاح، وديكور محمد الغرباوي، وإضاءة ياسر شعلان، وأزياء مروة عودة.

وإيقاعات لفرقة أوسكاريزما بمشاركة عازف الإيقاع أحمد رزة، ومادة فيلمية روماني خيري، ومساعدو الإخراج محمود طنطاوي ورينا أندراوس وفتحي إسماعيل ومريم عبد الشهيد، وغيرهم، وفكرة وإخراج هاني عفيفي، وقدم الحفل النجمة نورهان.