بشرى عن انتقاد طارق الشناوي لـ أولاد حريم كريم: مفكرتش ألومه ولا أعاتبه.. من إمتى بيمدح حاجة؟

الناقد الفني طارق الشناوي

علقت الفنانة بشرى على انتقاد الناقد الفني طارق الشناوي وهجومه على فيلم أولاد حريم كريم، والذي قامت بإنتاجه مؤخرًا، والعمل من بطولة الفنان مصطفى قمر.

وقالت بشرى في تصريحات تلفزيونية، إن فيلم أولاد حريم كريم يجمع بين النوستالجيا والجيل الجديد، والكواليس مع المخرج علي إدريس كانت جميلة، معلقة: اسألوا الشباب الجديد اللي اشتغل مع فنانين عندهم خبرة حسوا بألفة ولا، الناس مستغربة حالة الحب اللي موجودة في العمل، وده قليل لما بيحصل في الوسط بتاعنا.

وعن انتقاد طارق الشناوي للفيلم، ردت بشرى: في بعض النقاد آرائهم انطباعية مش تحليلة بشكل علمي بتحسس الناس أنهم مشافوش الفيلم أصلا ومسكوا في شخص واحد اتكلموا عليه، والحمدلله ردود الفعل عند الجمهور حلوة جدا، ولا صوت يعلوا فوق صوت الجمهور، أصل ده فيلم مهرجانات ولا صوت يعلوا فوق الجمهور هو اللي بيحدد.

وأضافت بشرى: الفيلم جماهيري مش بتاع مهرجانات سينمائية عشان يكون نقدي بالشكل ده، أهم حاجة الناقد يحلل الفيلم وميقتصرش مجهود الفيلم في شخص واحد، عيب في ناس ورا الكاميرا اشتغلت وعمُال كمان.

وقالت بشرى: مفكرتش أكلم طارق الشناوي ولا ألومه ومن إمتى وهو بيمدح أساسا، أنا عندي مبدأ في الحياة اسمه سيري يا نورماندي، مهما حصل مبقفش لكن هو زميل ومعايا في كذا لجنة تحكيم، ولكن مبنتظرش منه مدح يعني.

وجهت الفنانة بشرى رسالة إلى الفنانة شيرين عبد الوهاب طالبتها فيها أن تقف مجددا على قدميها وتسترد مكانتها.

وكشفت بشرى عما ستفعله إذا كانت في نفس موقف شيرين عبد الوهاب وقالت في لقائها بإذاعة موزاييك أف أم التونسية مع الإعلامي هادي زعيم: شيرين الله يعينها، الحمد لله أني مش مكنها محبش حتى أفكر في كده، لكن لو مكانها أفوق لنفسي وأقوم أنا عندي موهبة كبيرة جدا ومن أهم مطربات الوطن العربي على مدار تاريخ الوطن العربي في الطرب ومينفعش أني أسمح لظروف حياتية تقهرني.

فيلم أولاد حريم كريم

العمل من بطولة الفنان مصطفى قمر، وشارك فيه مجموعة من الفنانين، أبرزهم: بشرى، بسمة، داليا البحيري، رنا رئيس، تيام مصطفى قمر، خالد سرحان، ويعرض حاليًا في جميع دور العرض بالسينمات.