حسام داغر يشتري غرفة نوم سامية جمال من أحد المزادات.. ويعلق: أنا من عشاقها وهي قيمة فنية كبيرة

الفنان حسام داغر

أعلن الفنان حسام داغر عن شراء غرفة نوم الفنانة سامية جمال في مزيد انتيكات، معربا عن سعادته بنجاحه في شراء هذا التراث الذي يعد أثري بالنسبة له

وقال حسام داغر في تصريحات خاصة،أنا كنت من عشاق سامية جمال فحبيت إن حاجة زي دي تكون عندي وأقدر أحافظ عليها، فلما اتعرضت عليا في المزاد شوفت تفاصيل جمالها، فيها تفاصيل فنية تليق بفنانة كبيرة زيها.

وأردف داغر: لما اتعرضت في المزاد قولت ممكن ناس كتير متقدّرش قيمة الجمال ده، ولكن لقيت إن كان في منافسة قوية وكان في كذا جامع للتُحف، كانوا داخلين معايا المنافسة بس رست عليا الحمد لله، الأوضة قيّمة فعلا ولها قيمة فنية، والخشب الزان اللي معمولة منه برضه قيّم، فـ ليها كذا قيمة مش مجرد قيمة إنها كانت خاصة بالراحلة سامية جمال.

حسام داغر يشتري غرفة سامية جمال

ونشر عصام داغر صور من أوضة نوم سامية جمال على حسابه الرسمي بموقع تبادل الصور والفيديوهات انستجرام، وعلق عليها: أنا اشتريت غرفة نوم سامية جمال من مزاد أنتيكات.

غرفة نوم سامية جمال

غرفة نوم سامية جمال

حسام داغر وأزمته الصحية

يذكر، أنه أعلن الفنان حسام داغر عن تعرضه لوعكة صحية مفاجئة لم يكشف عن تفاصيلها، موجهًا رسالة لجمهور وأصدقائه بالدعاء له بالشفاء العاجل، وكتب عبر صفحته الرسمية بموقع التواصل الإجتماعي “فيسبوك”: بمر بوعكة صحية …. صدقوني الانسان ضعيف قوي تجاه اي حاجه ، تعالوا ندعي لكل مريض بالشفاء و برفع الابتلاء ، يهون علينا جميعاً ، وشكرا يارب على كل حاجة وكل نعمة وقوينا يا حبيبي يا سميع الدعاء.

حسام داغر 

وبعدها بأيام خرج وكتب عبر حسابه الرسمي بموقع فيسبوك: الحمدلله رب العالمين قدر ربنا و لطف بيا في الازمة الصحية الي مريت بيها اليومين الي فاتو و لولا فضل ربنا و تدخل فريق الاطباء الحمدلله و خرجت من العناية من وضع الحرج الي كنت فيه بشكر فريق الاطباء في مستشفي الشيخ زايد التخصصي تحت اشراف د احمد سمير نائب مدير المستشفي و بشكر دكتور اشرف زكي لمتابعته الوضع الي ان استقرت حالتي الحمدلله و بشكر اخويا و صاحبي حمزه العيلي لانه هو الي لحقني و اصر و نقلني المستشفي من البيت و انا تعبان هو و احمد اخويا و وقفته جمبي في المستشفى.

وتابع حديثه، قائلا: حابب اشكر واطمن كل الناس الي كلموني و اطمنوا عليا و جم ليا المستشفي او البيت انا الحمدلله تحت الرعاية الطبية في البيت و بحاول ارد علي كل اللي بعتلي او اطمن عليا واحد واحد لان كلمه شكراً قليله حقيقي علي الي حسيت بيه من حب و اهتمام كبير مالي قلوبكم و دعوات الناس الكتير ليا بالشفا هي الي سرعت علاجي و عجلت بشفائي .. الحمدلله علي كل شيء.