بعد تعرضها للهجوم .. نسرين أمين توضح ما قصدته بتصريحها عن الحجاب: لم أذكر أنني ضده
كتبت: ياسمين ياسر
الفنانة نسرين أمين
علقت الفنانة نسرين أمين، على الهجوم الذي واجهته بعد تصريحها عن الحجاب خلال إحدى المقابلات التلفزيونية، موضحة أنها لم تتحدث عن رأيها في الحجاب بالطريقة التي هوجمت بسببها، ومؤكدة أنها ليست ضده.
وكتبت نسرين أمين عبر حسابها الشخصي بموقع التواصل الاجتماعي فيسبوك: تصريح كاذب وغير صحيح، ولم يتم سؤالى أبدًا يومًا عن رأيى فى الحجاب.. السؤال كان هل نسرين أمين محجبة؟، الإجابة كانت لا مش محجبة في ملابسي بس أخلاقي كويسة الحمد لله.
وتابعت: إذًا لم يتم سؤالي عن رأيي في الحجاب ولم أذكر أبدًا إنني ضده، هناك فرق كبير بين السؤالين وبالتالي بين الإجابتين.
نسرين أمين: مش ممكن ألبس الحجاب
ومن ناحية أخرى، تعرضت الفنانة نسرين أمين، لموجة شديدة من الهجوم والانتقادات خلال الساعات الماضية، بعدما ظهرت في مقابلة تلفزيونية، وتحدثت خلالها عن إمكانية ارتدائها الحجاب، قائلة: لا أنا مش ممكن ألبس الحجاب لأن أنا مبشوفش أن الحجاب أصله لبس، لا ده أخلاق، وأنا الحمد لله راضية بأخلاقي وعارفة أني كويسة.
آخر أعمال نسرين أمين الدرامية
ويعد مسلسل بابا المجال، هو آخر أعمال الفنانة نسرين أمين الدرامية، والعمل تم عرضه في السباق الرمضاني 2023، وضم عدد كبير من النجوم أبرزهم: مصطفى شعبان، جومانا مراد، سوسن بدر، رياض الخولي، باسم سمره، عارفة عبد الرسول، محمد نجاتي، وعدد آخر من الفنانين، والمسلسل من تأليف محمد الشواف وإخراج أحمد خالد موسى.
أبرز تصريحات نسرين أمين التلفزيونية
-أنا فرعونية طباع وشكل ومضمون وبحب أبقى بلدي وشكلي بلدي.
-ممكن أبقى جدعة وساعات قوية وساعات مش قوية.
-ممكن أبقى قوية بس مواقف مواقف وديمًا لما حد بيتحط في موقف مفاجئ بيبقى مضطر يبقى قوي.
-من سنه كنت بعتذر عن شغل كتير ومكنش ليا نفس أشتغل ولكن لما لاقيت نفسي قعدت ومشتغلتش سنة.
-مش بجبر نفسي على شغلي أنا بعمله بحب.
-بحب الأدوار اللي أنا بعملها ابقى مختلفة علشان ده بيخليني مختلفة ومشاعري مختلفة وتكون مختلفة عني وعن بعض.
-بحب الشغل بتاعي جدًا وأنا كنت قبل كده بشتغل جرافيك واشتغلت سنة ولكن كنت حابه التمثيل.
-التمثيل أعطاني شهره ولكن كان هناك ثمن للشهرة إن أي تصرف تحت الأضواء محكومة فيها ومخدتش حرية.
-الفضل لبابا لأنه كان أكتر حد بيختارلي كل حاجة في الجواز والطلاق والجامعة وكل حاجة.
– شخصية شهرزاد كانت نقطة البداية لإنها نقطة مشرفة مع ناس عمالقة في الفن.
-صعب أغير من محمد رمضان ومبغرش من الستات هغير من محمد رمضان!! أنا مبقارنش نفسي بحد ومبسألش نفسي وأنا راضية عن كل مشواري ومش لازم أبص لغيري وبقارن نفسي بس بشخصيتي القديمة.
-فخورة بكوني امرأة لأني حققت حاجات كتيرة ومع إن المرأة لازم تاخد مناصب قيادية لأنها بتهتم بالصحة والتعليم ولازم تاخد حقوقها.
-كل ست ظروفها مختلفة عن الثانية وبتفرق من تربية الأم من الأساس.
-ربيت بنتي على الصراحة إنها تلبس وتاكل اللي هي عاوزاه ولو عندي ولد مكنتش هفضله على البنت.
