حسن شاكوش بعد اعتذار طليقته ريم طارق: قابل اعتذارك ومش من تربيتي أشهر ببنات الناس

الشعبية حسن شاكوش

علق مؤدي المهرجانات الشعبية حسن شاكوش على اعتذار طليقته ريم طارق، وإشادتها به بعد حصولها على كافة حقوقها الشرعية منه، بعد الانفصال.

اعتذار طليقة حسن شاكوش له

ونشر حسن شاكوش فيديو لطليقته ريم طارق تقول خلاله: الحمد الله.. أخدت كل حقوقي الشرعية من حسن، والحمد لله إني طلعت شخص كويس، وهو كمان شخص كويس، وراجل محترم، وكل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع سواء من أهله أو من أهلي أو مامته فـ حقهم على راسي وكل شيء قسمة ونصيب.

ورد حسن شاكوش قائلًا: أنا أولا بشكرك يا ريم على كلمة الحق اللي قولتيها في حقي دلوقتي وذكرتي إنك مشوفتيش مني غير الخير، وقابل اعتذارك على ما صدر منك وأنا مكنش ليا أي رد فعل قدام الناس ومش من تربيتي إني أشهّر ببنات الناس حتى لو رد على كلام يجرحني أو إساءة ليا.

وأردف حسن شاكوش: مع إن ده كان مأثر عليّا نفسيًا وعلى أهلي وكل اللي حوليا وقابل اعتذارك، وعفا الله عما سلف والمسامح كريم، وأتمنالك كل خير في حياتك وأشوفك دايمًا بخير.

دعوى طلاق للضرر أمام محكمة الأسرة 

وفي وقت سابق، كشفت ريم طارق طليقة حسن شاكوش المطرب الشعبي حسن شاكوش رفعها دعوى طلاق للضرر أمام محكمة الأسرة بعد حصولها على قرار التمكين المشترك، وتم تحديد جلسة ٢٧ يوليو للنظر في الدعوى.

وأكدت ريم طارق في وقت سابق أنه من المستحيل التصالح بينها وبين المطرب الشعبي حسن شاكوش، وأنها كانت منتظرة رفع دعوى الطلاق في الوقت المحدد، وأنها استندت في عريضة الدعوى إلى عيب “لم تذكره بشكل صريح” في حسن شاكوش، وكان سببا في التشهير بها بمحاولات إخفائه.

٢٠ ألف جنيه نفقة زوجية لريم طارق

وقضت محكمة الأسرة بأكتوبر بإلزام حسن شاكوش بدفع ٢٠ ألف جنيه نفقة زوجية لزوجته ريم طارق.