الفنان محمد أنور
كشف الفنان محمد أنور عن تفاصيل المهنة التي كان يعمل بها قبل التمثيل، وذلك خلال لقاء له ببرنامج تفاعلكم، المذاع عبر شاشة تليفزيون قناة العربية.
محمد أنور: كنت بشتغل شغلانة أني احضن واحد واقبض واروح
وقال محمد أنور: اشتغلت شغلانة الناس ممكن تشوفها عيب بس هي مش عيب.. شغلانتي أني بحضن واحد.. كنت بروح من الصبح لحد المغرب احضنه واقبض واروح.
وتابع: كانت شغلانة الجيبسمبورد، كان ساعات الحاجات دي في بلكونة فهو محتاج علشان يشتغل أنه حاجة تكون حضناه علشان ميقعش ويموت، فأنا بروح من الصبح احضنه وبنريح في النص كدا وبرجع احضنه تاني واقبض واروح.
محمد أنور في السينما
وسبق وأن تحدث الفنان محمد أنور عن مشاركته في موسم عيد الأضحى خلال فيلم مستر إكس والبعبع، وذلك خلال لقاء له ببرنامج الراديو بيضحك مع الإعلامية فاطمة مصطفى.
وقال محمد أنور: كنت متوقع ردود الأفعال على مشاركتي في أفلام موسم عيد الأضحى، وكنت مستنيها كمان، أنا بقالي كتير أوي معملتش سينما، وكانت ناس كتير بتلوم عليا في فكرة أنت مش متواجد، وممكن ناس تسبقك، أنا كنت أقدر أعمل طول المدة اللي فاتت دي 10 أفلام بطولتي، بس أنا نفسي أعمل السينما زي النجوم اللي احنا اتعلمنا منهم اللي ملخبطوش، وعملوا من بدايتهم أفلام حلوة.
وتابع: نجم السينما مختلف تمامًا عن نجم التلفزيون، بدليل أن ممكن يكون فيه نجم في التلفزيون كبير جدًا وبينجح بس في السينما ميجبش نفس الإيرادات، ومن ساعة مسرح مصر الناس بتتعامل معانا على أننا ولاد عمتهم، أنا روحت أعمل عمرة في رمضان ومعايا أمي وأبويا ومراتي وبنتي، الناس كانوا بيسألوني عن والدتي.
أخر أعمال محمد أنور
ومن الجدير بالذكر أن أخر أعمال محمد أنور فيلم البعبع الذي تدور أحداثه في يوم واحد حول سلطان، وهو مجرم مخضرم تم الإفراج عنه من السجن، ليقوم بعدها بعملية تسليم آثار لصالح أحد التجار، لكنه يغدر بهم ويستولي علي الآثار والأموال ويبلغ عنهم الشرطة، ويُحضر نفسه للسفر خارج مصر، إلا أنه يفاجئ بظهور أبنائه الاثنان في منزلة القديم واللذان لم يكن يعلم عنهما شئ منذ ولادتهما، ليضطر أن يهرب بهما وسط هجوم أحد العصابات عليه.
ويشارك أمير كرارة في بطولة الفيلم، ياسمين صبري، باسم سمرة، وعدد من الوجوه الشابة.
