الراقصة نجوى فؤاد
انتقدت الفنانة والراقصة نجوى فؤاد، انتشار ظاهرة الراقصات الأجنبيات وخاصة الروسيات في مصر خلال الفترة الأخيرة.
وقالت «فؤاد» خلال تصريحات تليفزيونية، اليوم الثلاثاء، إن بعض الأماكن في الساحل الشمالي أصبحت مثل كباريهات الدرجة الثالثة، متابعة: «الراقصات الروسيات بوظوا المصريات».
وأضافت: «أنا مش بدخل الدين في الرقص، أنا بقول ربنا قال احتشموا، بعض السيدات بيحجزوا عشان يتفرجوا على راقصات الساعة الـ12 الظهر، لابسين بدل شفافة، كله عريان، إيه ده، إحنا مسلمين، ولينا ديننا واحترامنا».
وعن مستقبل الرقص الشرقي في مصر، قالت «فؤاد»: «مفيش رقص شرقي خلاص، انقرض، في روسيات، دول فراخ جمعية، بيرقصوا بس رقص تدريبي، واحدة متدربة بتنفذ حركات، مفيش الإحساس من جوه، مفيش الشرقية بتاعتنا».
وتابعت: «هما يرقصوا مفيش مشكلة، بس بسمع إنهم بياخدوا أرقام فلكية، وثانيًا العري زيادة عن اللزوم، لازم يكون في رقابة على الكلام، بيروحوا أفراح عائلات وفيها أطفال ومراهقين، فده ميصحش يبان ليهم».
نجوى فؤاد: أعوذ بالله من اعتزال الفن
سبق، ونفت نجوى فؤاد اعتزالها الفن، وذلك خلال تصريحات خاصة في وقت سابق، موضحة: الناس اللي هتقول إني اعتزلت بسبب غيابي عن الفن، يقولوا اللي يقولوه المهم عندي صحتي، ومش هعتزل الفن أعوذ بالله من اعتزال الفن، الغضروف بياخد وقت وجلسات علاج طبيعي ده كل الموضوع.
كما أكدت نجوى فؤاد أنها لم تتمكن من المشاركة في أعمال فنية خلال الفترة المقبلة، لأنها مازالت تعاني من بعض المضاعفات نتيجة إصابتها بالانزلاق الغضروفي، قائلة: مش هينفع أشارك في أعمال فنية لأني صحيًا مش هقدر أشتغل دلوقتي.
في وقت سابق، ردت الفنانة والراقصة فيفي عبده، على منتقدي تصرفاتها على السوشيال ميديا، قائلة: “اتشتمت كتير جدًّا ومش كل قط يتقال له يا مشمش ولا كل فار يعرف يختار واللي في جمالي يتف على أفعالي واللي مش عاجبها من شعرها أجيبها”.
أكسجين فيفي عبده في الرقص
وأضافت خلال تصريحات لـ”إي تي بالعربي”: “لو عندي 90 سنة وقادرة على الرقص هرقص ومش هقعد في البيت، ليه تمنع عني الأكسجين أنا بحب الرقص جدًّا وده أوكسجيني”.
حب رقص فيفي عبده
وتابعت فيفي عبده: “أقلية جدًّا اللي الحاقدين عليَّ واللي متغاظين مني لكن كل الناس بكل الأعمار بيحبوني في البيوت”.
