محمد حماقي: إحنا لسه في سنة أولى ذكاء اصطناعي.. والمهم إنه ميكنش فيه تعدي على حدود حد

الفنان محمد حماقي

تحدث الفنان محمد حماقي عن رأيه في الذكاء الاصطناعي، قائلا: إحنا في سنة أولى ذكاء اصطناعي وهيتطور جدًا.

وأضاف الفنان محمد حماقي خلال المؤتمر الصحفي في مهرجان قرطاج: لازم نستخدم الذكاء الاصطناعي من غير ما نأذي حد ونقنن الذكاء الاصطناعي داخل الفن من غير ما نتعدى على حدود حد.

وأضاف محمد حماقي: إحنا لسه سنة أولى ذكاء اصطناعي، وهو شيء هيتطور جدًا وأهم حاجة ميأذيش حد، أنا شوفت حاجات مرعبة لقيت ناس صحابي بيرقصوا على الذكاء الاصطناعي مبقتش عارف هل هو ده فعلا ولا مش هو.

وفي سياق آخر، تحدث حماقي عن وجوده في مهرجان قرطاج السينمائي، قائلًا: أنا سعيد جدًا بوجودي في مهرجان قرطاج وشرف وحلم أي فنان إنه يقدم حفلة على مسرح قرطاج.

وأضاف حماقي: سعيد إني بختم مهرجان كبير وعريق زي مهرجان قرطاج، وحلم لأي فنان إنه يكون على مسرح قرطاج في تونس.

آخر أعمال محمد حماقي

 أعلن الشاعر الغنائي أيمن بهجت قمر، تفاصيل تعاونه الجديد مع حماقي، وكتب عبر حسابه بموقع فيسبوك: من أول بتضحك طيب اضحك، لحد يا ستار، رحلة طويلة مع حماقي، غيبنا فيها آخر أربع سنين عن الشغل مع بعض، وكام يوم وهتنزل لي أغنية جديدة وعودة لينا، وكمان الأغنية لحن حماقي.

محمد حماقي: الغنى قدام الجمهور التونسي مهمة صعبة.. وأنا بنتمي لمدرسة الغنى بإحساس

وعن تأخير وجوده في مهرجان قرطاج، أوضح حماقي: معرفش ليه اتأخر وجودي في مهرجان قرطاج يمكن مكنش في فرصة أننا نتقابل، وجت الفرصة وأخيرًا اتحققت.

وعن غنائه بلهجات مختلفة، قال حماقي: طول عمري بقول موضوع الغنى بلهجات مختلفة، هو مدارس أنا بنتمي لمدرسة أني أغني بإحساس، ومش بحب أفعل راسي وأنا بغني، أنا بشوف اللي بيغني بلهجة مختلفة هو بيشغل نفسه بلهجة تكون صح ومخارج الحروف فـ ده بياخد جزء من إحساسك، وده السبب اللي يخليني مقدمش أغنية بلهجة تانية، أنا بحب أسمع الغنى التونسي بس من التونسى، والغنى قدام الجمهور التونسي مهمة صعبة مش سهل لازم تكون عامل حسابه ومجهز نفسك.