المطرب تامر حسني
طرح المطرب تامر حسني أحدث أعماله الغنائية والتي أتت بعنوان حوا ويجدد فيها تعاونه مع المطربة أسيل والذين تألقوا سويا في كليب أغنية ناسيني ليه.
تامر حسني يطرح أغنية حوا
وأتت كلمات أغنية حوا على هذا النحو: اشتريت كتاب اسمه كيف تفهم حوا، قولت هعرف منه إيه في دماغها جوا، حوا في كل الجنسيات بجد تركيبه واحده، لو هنسمي في مسميات أحن حنينه جاحده، حافظين مش فاهمين نفس الكلام، وبيتردد بيتردد، وإحنا عايشين مساكين بنجيب في هدايا ونسدد آه ونسدد وبعد ما كان نفسي في واحده تفهمني من غير ما أتكلم ما أتكلم، بقيت أدعي ألاقي واحده تفهمني أصلًا، وأنا بتكلم بتكلم في جوا دماغ حوا كذا حد ملاك شيطان.
تفاصيل أغنية حوا
وتعد أغنية حوا لـ تامر حسني وأسيل عمران من ألبومه الجديد هرمون السعادة والذي يفاجئ به الجمهور في صيف 2023، وهي من كلمات وألحان تامر حسني، وتوزيع وميكس وماستر علي فتح الله.
وكان قد روج تامر حسني لـ أغنية حوا من خلال حسابه الرسمي بموقع فيسبوك، حيث علق عليها، قائلا: رجعنالكم تاني أنا والنجمة الجميلة أسيل عمران بعد كليب ناسيني ليه اللي كلكم حبيتوه.. بس دلوقتي مش كليب بس احنا بنحضر رحلة فنية أطول كنتوا مستنيينها من زمان.. انتظروا أول خطوة في الرحلة وهي كليب أغنيتي الجديدة حوّا من ألبوم هرمون السعادة يوم الخميس القادم إن شاء الله الساعة السادسة مساءً.
تامر حسني وأغنيته الجديد حوا
واستكمل تامر حسني حديثه: في علاقات الحب الكوميديه بين الراجل و الست او الولد و البنت … الحقيقه لقيت السوشيال ميديا المحليه و العالميه مش مقصره و مش سايبه موقف مش متمثل .. فكنت همثل موقف منهم انا و اسيل و ينزل تيك توك نشارككم بيه و نهزر بيه معاكم.
وتابع: فجأه الحماس اخدنا نصور مشاهد اكتر لحد ما الحماس اڤور مننا وصلت لفكره تانيه خالص اني اعمل اغنيه تعبر عن معظم مواقف السوشيال ميديا المعروفه بين الشباب و البنات و معاها مواقف جديده و نصورها كليب سؤال حلقتنا النهارده، تفتكروا ايه موضوع الاغنيه؟… انتظروا الكليب غداً ان شاء الله في تمام السادسه مساءً .. اغنية حوّا.
