بطلوا تقولوا ليهم حرام.. دعاء فاروق: الناس اللي بتصور نفسها دول الغلابة الشقيانين

الإعلامية دعاء فاروق

وجهت الإعلامية دعاء فاروق، رسالة للأشخاص الذين ينتقدون من يصورون أنفسهم أثناء الأكل في المطاعم والتفاجر بذلك، موضحة أن هذه الفئات بذلت مجهودا في حياتها.

ونشرت الإعلامية دعاء فاروق، مقطع فيديو، عبر حسابها الشخصي على موقع تبادل الصور والفيديوهات انستجرام، تشن من خلاله هجومًا شديد اللهجة على رواد مواقع التواصل الاجتماعي، إذ قالت: الناس اللي بتصور نفسها قدام الكاميرا وهي بتاكل استأذنكم بطلوا تقولوا لهم حرام عليكم حسوا بالغلابة.

دعاء فاروق: عمرك ما هتلاقي حد من اللي قاعدين في قصور ماسك ورك فرخة في مطعم وبيعمله ريفيو

وأضافت دعاء فاروق: حضرتك هما أصلا دول الغلابة، الناس اللي بتصور نفسها وهي بتأكل هما الغلابة الشقيانين اللي بيشتغلوا ـ لكن عمرك ما هتلاقي حد من اللي قاعدين في قصور ماسك ورك فرخة في مطعم وبيعمله ريفيو.

وعلى جانب آخر، ردت دعاء فاروق على الانتقادات التي تعرضت لها بسبب ملابسها بعد قضائها الحج، إذ ظهرت بفستان سواريه وحلق كبير باللون الفضي، حيث قالت عبر صفحتها الشخصية بإنستجرام: ربنا خالقنا برقبة والرقبة تحت الإيشارب وفي إيشارب ملفوف حولين الرقبة في إيشارب ملفوف حولين الرقبة ولا مافيش.

وتابعت دعاء فاروق: أنا بقى قدامكم على طول لابسة التلبيسة ولا لا جيت مرة غيرت في طريقة اللفة.. ياريت متحشروش نفسكم في الفتحة اللي ظهرت بالرقبة، عيب أما ست تدخل عند ست زيها وتقولها الرقبة أنا بس حبيت أبين شكل الرقبة يعني أنتي ينفع تروحي للجزار تقوليله هات رقبة فايديكي حتة رقبة صغيرة.

دعاء فاروق: أي راجل هيعلق بطريقة غير لائقة على صوري هيتهزأ 

وسبق وأن وجهت المذيعة دعاء فاروق رسالة شديدة اللهجة، إذ توعدت للرجال الذين يعلقون بطريقة غير لائقة على الصور، وذلك من خلال منشور عبر حسابها الشخصي على موقع التواصل الاجتماعي “فيسبوك”.

حيث كتبت “فاروق”: “صباح الفل عشان نبقى على نور يا جماعة ومفيش ست تدخل تلاقي جوزها بيتهزأ عندي فتزعل.. أي راجل هيدخل يعلق بطريقة غير لائقة ويمصمص لي شفايفه على أي صور لصديقاتي أو أخواتي أو صوري أو شكلي الراجل اللي هيفتحها ويبص عليها ويبدأ يلت ويعجن وينظر على شكل أو حجاب أو لبس هيتهزأ قدام أمة لا إله إلا الله”.

وتابعت: “ملكش حكم غير على أهل بيتك وممنوع تدخل تنطق بحرف لا حلو ولا وحش في الحالتين بعمل بلوك.. اللي بيتغزل أو بيقول كلام مايع على شكل أو جمال بيتهزأ ويتعمله بلوك زيه زي اللي بينظر ويدخل يحاسبني أني بتاعت البرامج الدينية ويقعد ينظر على شكل أي حد ويخرجنا من منظومة الأخلاق والدين اللي محاوطاه ومحاوطة أهله فقط”.

رأي دعاء فاروق عن أزمة منتصف العمر

وعلى صعيد آخر، حرصت المذيعة دعاء فاروق على إبداء رأيها في مسلسل “أزمة منتصف العمر”، الذي يعرض حاليًا على منصة شاهد الإلكترونية، معربة عن استيائها من الأحداث والشخصيات، وذلك من خلال منشور لها عبر حسابها الشخصي على موقع التواصل الاجتماعي “فيسبوك”.

حيث كتبت: “طيب يا جماعة حد مستني النهاية في سواد منتصف النيلة المستنقع اللي بنتابعه.. أنا بالنسبة لي وبالاصألة عن نفسي كده جاب الناهية خلاص.. فاضل تلات حلقات أو حتى عشرة دي كلها شكليات المسلسل خلص والستاير السودا نزلت، موتتوا بصيص الفرحة الوحيد و قتلتوا سرسوب أي أمل كنا مستنيينه يظهر”.