حمزة نمرة: الذكاء الاصطناعي عمره ما هيحل مكان الفن الحقيقي اللي بنقدمه.. والعالم لسة بيجرب

الفنان حمزة نمرة

 

كشف الفنان حمزة نمرة، رأيه في فكرة الذكاء الاصطناعي التي تصدرت الساحة الفنية مؤخرًا، بجانب تعليقه على تصريحات الفنان عمرو مصطفى حول أن المطرب مجرد أداة.

 

وقال حمزة نمرة خلال لقائه في برنامج ET بالعربي: الذكاء الاصطناعي ممكن يكون له استخدامات كويسة ولكن إحنا لسه بنجرب على مستوى العالم، وأكيد ناس كتير عندها قلق من التجربة، بس في الآخر الذكاء الاصطناعي مش هيحل محل الفن الحقيقى اللي بنقدمه لأنه مش هيخترع حاجة جديدة.

 

 

وعن تصريحات الفنان عمرو مصطفى بشأن أن الفنان مجرد أداة فقط، رد حمزة نمرة: من خلال تجربتي فأنا بلحن الأغاني اللي بقدمها والكلام اللي أنا صدقته وقريب من صوتي، فأنا بشوف أنهم حاجتين مش بينفصلوا عن بعض.

 

حفلات حمزة نمرة في واشنطن وأوروبا

وعلى جانب آخر، يستعد حمزة نمرة لجولة حفلات في واشنطن حيث يبدأ أولى حفلاته مساء 8 سبتمبر المقبل، وينتقل بعدها بيوم بإطلالة غنائية في مدينة ديربورن بولاية ميشيغان الأمريكية وصولا لليوم الثالث بحفل في ولاية شيكاغو.

 

ويشد حمزة نمرة رحاله من الولايات المتحدة الأمريكية إلى أوروبا، بحفل مميز في العاصمة الفرنسية باريس 15 سبتمبر، مرورا بعدها بيوم بمدينة أوترخت الهولندية؛ ليضع مسك الختام على جولة حفلاته في مدينة مالمو بالسويد 17 سبتمبر.

 

وحقق ألبوم حمزة نمرة الجديد رايق نجاحا كبيرا، والذي أطلق أغنياته بشكل غير مألوف بواقع أغنية أو أغنيتين في السابعة من مساء الأربعاء من كل أسبوع.

أغنية حمزة نمرة الجديدة بعنوان رياح الحياة

جدير بالذكر أن أغنية رياح الحياة من ألحانه وكلمات الشاعر محمود فاروق، وتوزيع وميكساج كريم عبد الوهاب، وتعد رابع محطات رحلة ألبومه الجديد “رايق”.

 

 

 

كلمات اغنية رياح الحياة حمزة نمرة

 

تهبي يا رياح الحياة دايما بما لا اشتهيه

 

واللي السنين مقدماه غير اللي قولت نفسي فيه

 

 

 

يلاقي قلبي فين دواه

 

واللي اذاه اقرب ما ليه دة جرح بيعلم

 

 

 

وصعب تسكن الالام واخرج من اللي فات سليم

 

وصعب لما اروح انام مفضلش اراجع القديم

 

 

 

أعمال حمزة نمرة الغنائية 

 

طلع مكلف العلام

 

وخدت درس في الصميم ولسة بتعلم

 

 

 

ركز يا قلبي في اللي جاي والف شكر للي باع

 

ما صانش حتى بوق شاي سلام يا 300 وداع

 

 

 

واللي لقانا مايساعوش ف خانة الوداع تساع

 

مشاعرنا مش لعبة

 

 

 

ما تتشغلش باللي فات خليك يا قلبي في المفيد

 

كبر لاي ذكريات ركز وبس في الجديد

 

 

 

لازم تقسم الخانات بمين قريب ومين بعيد

 

الحسبة مش صعبة

 

 

 

فرحت م الساعات ساعات

 

ودوقت م الحاجات حاجات

 

 

 

وعشت م السنين سنين

 

ونابني م اللي فات فتات

 

 

 

وم الحبيب جواب حزين

 

واسئلة بلا اجابات حيرة ورا حيرة

 

 

 

حتى السعادة يوم ويوم حتى المحبة خد وهات

 

وكله كوم وكومي كوم زمن بيرمي افيهات

 

 

 

وزي عادتي اصوم اصوم

 

واسد جوعي ذكريات وافضها سيرة

 

 

 

اخرتها يا زمن عنيد كله سبق وانا الوحيد

 

اللي مشيت وراه سراب واللي بدات من جديد

 

 

 

الكل شاف اللي وراه

 

حاسبت انا ع المشاريب لوحدي كالعادة

 

 

 

ل

 

مش باقي غيري في المكان

 

مش باقي حاجة من اللي كان

 

 

 

مش باقي غير وجع زمان

 

وهمس ذكرى في الودان

 

طاوعت حظى لما قال

 

اصبر لكل شيء ادان يا حظ ما تادن