مهرجان العلمين
يحيى المطرب الشعبى رضا البحراوى، حفلًا غنائياً بمهرجان العلمين في دروته الأولى، وذلك يوم 11 أغسطس الجارى ومن المتوقع أن يحقق نجاح واسع.
تصريحات رضا البحراوي
على الصعيد الآخر، قال رضا البحراوي خلال برنامج صاحبة السعادة: حاسس بحب الناس وده بفضل دعاء والدتي ووالدتي
وتابع: غاويت الغناء من وأنا 8 سنين في طنطا أنا من طنطا منطقة شعبية كنت بغني في الحنن والشوارع، وكانوا بيوقفوني يقولوا صوتك حلو لحد ما قابلني علي عبد الستار المخرج والمنتج بتاعي وخدني، وأول شريط ليا مخدتش فلوس فيه أنا كان همي الشهرة بس وأول فرح بعد مانزل الناس شالوني فأبويا عيط.
رضا البحراوي في صاحبة السعادة
وأضاف: أنا اشتغلت كل حاجة وأنا صغير بـ 10 و15 جنيه لأن والدي ووالدتي على قدهم ومكنش بشرب حاجة، وكان عندنا عربية مكروباص اشتغلت عليها كومسري ومكنتش بتارجيت الفن.
واستطرد: أما سبت البيت وروحت أغني والدي كان بيجي معايا دايما لحد ما تعبت ووالدي وهو على السرير قالي ربنا يرزقك عشان انت حنين على أهلك، ووالدتي بعدها تبعت تعب نفس تعب والدي وربنا يشفيها لأنها حياتي كلها، ووالدتي مرتبطة بطنطا وأما أقولها تعالي القاهرة انا مبعرفش امشي خطوة الا بيها واي حاجة تطلبها لازم أعملها.
وكان كتب رضا البحراوي: أول حاجة ربنا كبير أوى.. تاني حاجة أوجه الشكر لكل جمهوري اللي وقف معايا في كل النجاح.
وتابع رضا البحراوي: يا رب ابعد عني الناس المريضة والناس الصفرا اللي مش بيحبوا الخير ليا، سبوني بقى في حالي عشان أنا والله والله تعبت في الشغلانة دى أوى خليكوا في حالكوا وسيبوا الملك للمالك وشيل عينك عني.
وكشف المطرب رضا البحراوي، أول من اكتشفه قائلا :”كنت بلعب بلي في الشارع وقابلنى طارق عبد الستار وهو الآن زوج شقيقتى ومدير أعمالى وقال لى صوتك حلو وأعطانى 10 جنيهات”.
وأضاف رضا البحراوي، خلال برنامج صاحبة السعادة، المذاع على قناة دي إم سى :”طارق عبد الستار قرر أن يقوم بعمل شريط لى وحفظنى بعض الأغانى، وكان أول شريط لى غنيت فيه زمن الوحوش”.
وتابع رضا البحراوى :”قبل أول شريط لي كنت أغني في الأفراح، حيث كنت أغنى لرمضان البرنس وأنا من عشاق جورج وسوف، و نزل أول شريط لى في مولد السيد البدوي “.
وقال المطرب رضا البحراوي، إن بعد ظهور أول شريط له بدأ صوته يكون معروفا، متابعا :” لم أحصل على أي أموال في أول شريط لى لأننى كنت أريد الشهرة فقط، وبعد ما نزل الشريط غنيت في فرح في الإسماعيلية وحصلت على 300 جنيه “.
وأضاف رضا البحراوي، خلال برنامج صاحبة السعادة، المذاع على قناة دي إم سى : ” عملت على الحفاظ على صوتى والتجديد في الأغاني التي أغنيها من أجل الاستمرار”.
وتابع رضا البحراوى :”في أول فرح لى في الإسماعيلية، وجدت والدى يبكى لأنه وجد حب الناس لى وحملونى على الأكتاف”.
وقال المطرب رضا البحراوي، إنه عمل كل شيء وهو صغير، قائلا :”اشتغلت كل حاجة وأنا صغير، ووالدى ووالدتى على قد حالهم “.
وأضاف رضا البحراوي، خلال برنامج صاحبة السعادة، المذاع على قناة دي إم سى :”كنت اشتغل بـ10 جنيها أو 15 جنيها مصروفى، ولم أكن أشرب سجائر أو أي شيء، وكنت أشعر أننى أساعد في البيت ولم أكن أتخيل أن أصل لما وصلت إليه الآن”.
