المخرج أحمد ثروت
حرص المخرج أحمد ثروت، نجل الفنان محمد ثروت، على الرد على متابع تنمر على مرضه، عبر حسابه الشخصي على موقع التواصل الاجتماعي «فيسبوك»، وذلك بعدما فوجئ بتعليق من أحد الأشخاص، يقول: «أبوك طلع معاه فلوس أهو وبيعالجك كويس.. آمال مش بيتبرع للبلد ليه؟».
ورد المخرج أحمد ثروت، قائلًا: «أستاذ سمسم، مساء الفل.. كل اللي عالبر عوام.. التنظير في المرض مؤلم لصاحب الاختبار جدا.. وكل اللي أقدر أقوله لك: ربنا إن شاء الله ما يعرضك أنت أو أولادك أو والدك أو والدتك لمرض زي اللي عندي، اللي لو معاك فلوس الدنيا مش بتفيدك غير رحمة ربنا عليك ودعوات الناس»
وتابع أحمد ثروت: «أنا ماعرفش حضرتك، بس صدقني عمري ما أتمنى ليك دقيقة ألم من اللي بتعرض لها يوميا، حتى لو معاك مال الدنيا وبتتبرع للبلد كل يوم، يومك جميل وربنا ما يكتبها عليك وإن شاء الله ماتشوفش وحش في أي حد بتحبه في اختبار زي ده».
ومن جانبه، علق الفنان محمد ثروت، قائلًا: «ابني الغالي، أحلى شيء في البوست ده، إني ربنا أكرمني واتأكدت إني عرفت أربي راجل محترم زيك.. ربنا يتمم شفاك على خير وترجع لي بالسلامة».
وأردف أحمد ثروت: كل يوم كنت بسأل نفسي وأنا في ظروف دي لو ربنا أفتكرني هو أنا قدمت إيه لكل اللي حواليا؟، ووصلت دلوقتي إن بقى عندي هدف أكبر من إني أنجح أو اشتغل لنفسي بس، خلي عندي إحساس بحاجات قيمتها لما دخلت فيها وحسيت بيها زي مثلًا واحد جاله المرض اللي صابني ومش عارف وفاكر إن عنده مرض تاني وتوفي عشان عنصر الوقت لم يسعفه أو مريض تاني عرف التشخيص ومعهوش فلوس العلاج نظرًا لأن العلاج بتاع الأمراض المناعية زي حقن الأجسام المضادة غالية جدًا.. إن شاء الله قريبا جدا هقول عن حاجة شغال عليها هتخفف المعاناة عن أي حد محتاج مساندة أو مساعده ويا رب ربني يقدرني وماشوفش حد يدخل في اختبار زي اللي أنا مريت بيه.
واختتم: أخيرا حابب أشكر كل واحد دعالي من قلبه وكل صحابي وأهلي اللي كان حبهم ليا من أسباب إني أقف تاني على رجلي بعد ستر وتوفيق ربنا، ودعواتكم ليا لإتمام الشفاء على خير ويا رب يكون ربنا جعل مني بعد اختباره ده إنسان أفضل.
