عصام كاريكا لـ منتقدي أسعار حفله بالساحل الشمالي: للأغنياء فقط واللي معهوش فلوس ميروحش

الفنان عصام كاريكا

رد الفنان عصام كاريكا على منتقدي أسعار حفله في الساحل الشمالي أمس الأحد بحضور عدد من الفنانين، مؤكدًا أنه مخصص للأغنياء فقط وأسعاره مرتفعة منذ نشأته. 

وقال عصام كاريكا في تصريحات صحفية: الساحل من زمان دي أسعاره ومخصص للي معاه فلوس والأغنياء، وأنا عملت حفل هناك ولكني مش مسئول عن أسعاره، واللي معهوش فلوس ميروحش وممكن يصيف في أي حتة تانية. 

ومن ناحية أخرى، حرص العديد من الفنانين على حضور حفل عصام كاريكا أمس بالساحل الشمالي، من بينهم الفنانة شمس الكويتية والفنانة إيناس النجار واللتان تفاعلتا مع أغاني كاريكا وسط الحاضرين. 

عصام كاريكا: بسيب الفنانين يسرقوا ألحاني عشان يعيشوا

وعلى جانب آخر، سبق وكشف عصام كاريكا سبب ابتعاده عن الغناء، وقال في تصريح سابق: ابتعدت عن الغناء لأني مركز على التلحين، أما عن سرقة ألحانه، علق كاريكا: أنا مش بيفرق معايا اللي يسرق ألحاني وبسيب اللي يسرق يسرق لأن دا نقص في الإبداع وبسيبه عشان يعيش ومينفعش أرد على فنان زيي.

وأكد عصام كاريكا في تصريح سابق، أنه يتعرض للسرقة طوال 30 عاما وهناك العديد من الفنانين سرقوا ألحانه ولكنه لم يتخذ ضدهم أي إجراء قانوني طوال تلك السنين ولم يكشف عن هويتهم.

كما سبق وأثار عصام كاريكا جدلا واسعا على مواقع التواصل الاجتماعي بتصريحاته عن محمد رمضان، وقال في تصريح سابق: بعض الفنانين بيحبوا إثارة الجدل والشو وأنهم يلعبوا على مشاعر المواطن البسيط ويستفزوا الجمهور بممتلكاتهم والطيارات الخاصة والفلوس.

وأضاف كاريكا: محمد رمضان بيظهر في حفلات مصر في الساحل بدون ملابس رغم أنه مش بيعمل كدا في السعودية، تقريبا فاكر الساحل عادي يظهر كدا، لكن أنا مؤمن أن الفنان لازم يكون قريب وشبه الجمهور إنما أنه يبان أعلى منهم دا استفزاز.

أخر أعمال عصام كاريكا

جدير بالذكر اخر اعمال النجم عصام كاريكا اغنية بعنوان ” مش مروحة ” والتي قام بتلحينها وتوزيعها وكلمات محمد هلال وقام بتصويرها بطريقة الفيديو كليب وتشاركه في الكليب ملكة جمال أوكرانيا ماريس والتي تدرس الرقص الشرقي في أوكرانيا وتقيم في القاهرة حاليا وحقق من خلاله نجاحا كبيرا.

عصام كاريكا وتعاونه مع عمرو دياب

وكان قد كشف عصام كاريكا عن رغبته في العمل مع أنغام، فقال: أنا نفسي اشتغل لأنغام، ولو عملنا حاجة بجد هعملها حاجة تفضل 30 سنة عايشة، ودي بقولها في كل البرامج بس يظهر أنها مش بتتفرج، أنا ناقصني أنغام، أنا عملت لشيرين عبد الوهاب، وديانا حداد ونوال الزغبي، وباسكال مشعلاني.

وتابع: عملت لعمرو دياب أغنية وهي عاملة ايه دلوقت، ولمحمد منير أنا عمر عيني ما دمعت، وهاني شاكر أنا اسم على ورق، ولحكيم بيني وبينك خطوة ونص، وأول غنوة تنجح لحمادة هلال كانت من ألحاني.