جمال العدل يكشف أسباب غياب نيللي كريم عن العرض الخاص لفيلم ع الزيرو لـ محمد رمضان

المنتج جمال العدل

كشف المنتج جمال العدل أسباب غياب الفنانة نيللي كريم عن حضور العرض الخاص لفيلم ع الزيرو بطولة الفنان محمد رمضان، الذي أقيم مساء أمس الأحد بإحدى السينمات الكبرى في منطقة 6 أكتوبر.

وقال جمال العدل خلال مؤتمر العرض الخاص لفيلم ع الزيرو: نيللي كريم في اليونان ومش هتكون موجودة في عرض الخاص لفيلم بـ دبي أو السعودية بسبب سفرها.

العرض الخاص لفيلم ع الزيرو

وكان صناع فيلم ع الزيرو لـ محمد رمضان، والفنانة نيللي كريم بالعرض الخاص للفيلم، وذلك أمس الأحد بإحدى السينمات الكبرى بمول مصر، استعدادًا لطرحه في دور العرض السينمائي يوم 2 أغسطس المقبل.

وحرص مجموعة من نجوم الفن على حضور هذا الاحتفال، حيث حضر إلى ريد كاربت الفيلم كل من المنتج جمال العدل، والسيناريست مدحت العدل، والفنان جمال سليمان، والفنان إسلام إبراهيم، والفنان أحمد وفيق.

قصة فيلم ع الزيرو

تدور قصة فيلم ع الزيرو في إطار من الحركة والتشويق، حول حمزة وهي الشخصية التي يقوم بدورها الفنان محمد رمضان، الملقب بـ دراجون، ولديه طفل مع مرور الوقت يكتشف إصابته بالسرطان، ويسعى لعلاجه منه ولكن حالته المادية متعثرة، فيضطر أن يدخل في عالم تجارة الأعضاء البشرية.

أبطال فيلم ع الزيرو

يضم فيلم ع الزيرو، في بطولته مجموعة من أبرز النجوم، منهم: محمد رمضان، نيللي كريم، إسلام إبراهيم، جومانا مراد، خالد الصاوي، شريف دسوقي، منذر مهران، والعمل من تأليف مدحت العدل، وإخراج محمد جمال العدل.

وقالت نيللي كريم في مقابلتها مع منصة شاهد: أنا بقدم دور شيري هي أم لطفلين، وبتشوف إيه اللي بيحصل من مشاكل في العيلة دي في فترة زمنية معينة، وهي شخصية حقيقية موجودة معانا ووسط أصحابي وبنشوفها كتير.

وعن وجه التشابه بين شخصيتها في مسلسل ليه لأ 3، وشخصيتها الحقيقية، فعلقت نيللي كريم قائلة: الحاجات المشتركة بما إني عندي أولاد وفي المسلسل كمان عندي أولاد فبسأل كتير عاملين إيه وبتعملوا إيه في الحياة؟ وبديهم نصائح كتير.

وأضافت نيللي كريم: أزمة المسلسل أن الأم بتضحي بحاجات كتير جدًا علشان سعادة أولادها، وابنها بالتحديد لأن هنشوف تعامل الولد في الظروف اللي زي دي، خاصة أنه فاكر نفسه راجل البيت لأنه الولد، والأم بتحاول ترضيه بكل الأشكال ولكن هتيجي في نقطة بتقف وقفة مش عايزة حد ييجي عليها ولا هي تيجي على أولادها، وهنا نقطة التحول بتاعة المسلسل.

نيللي كريم: الست هي راجل البيت دلوقتي

كما تطرقت نيللي كريم في حديثها، إلى دور المرأة في الأسرة بعد الانفصال، قائلة: راجل البيت دي كلمة كبيرة أوي وأحيانًا الناس بتستخدمها من غير ما تفكر، ودلوقتي في الزمن اللي إحنا فيه أو على الأقل العائلات اللي بشوفها حواليا الستات هي اللي بتبقى راجل البيت، الستات دلوقتي هي اللي بتشيل البيت والأولاد خاصة لما بيحصل حالة طلاق 99% من الأبهات مبيدفعوش الفلوس اللي عليهم وبيكونوا شايلين إيديهم حتى لو بيدفعوا بيدفعوا رقم ضئيل، فالست هي راجل البيت حاليًا.

واختتمت نيللي كريم حديثها: مش حاسة أن حد لازم يضحي علشان حد، لو الأم بتقول أنا ضحيت بشغلي ومستقبلي علشان أربي ولادي طب ما الولاد بيكبروا وبيتجوزوا وبيروحوا، هيقولوا محدش قالك تضحي، فيه فرضيات في التربية الشرقية ميتبنيش عليها عائلة سليمة ولا أفكار ولا حياة سليمة.