نجل الفنان حسن يوسف
رحل عن عالمنا عبد الله حسن يوسف نجل الفنان حسن يوسف الذي يبلغ من العمر 35 عام، وذلك بعد تعرضه للغرق في إحدى قرى الساحل الشمالي حيث تعرض لإسفكسيا الغرق أثناء السباحة.
مصرع نجل حسن يوسف بالساحل الشمالي
و نُقل الجثمان لمستشفى العلمين وتحرير المحضر والتحفظ على الجثمان تحت تصرف النيابة ومفتش الصحة بمطروح.
تصريحات حسن يوسف خلال ندوة تكريمه في قصر السينما
على الصعيد الآخر، كان قال الفنان المصري القدير حسن يوسف خلال ندوته بقصر السينما: أعتقد إن سعاد حسني اتقتلت مش انتحرت، والمنتحر المفروض يكون جمبه دم، هي اتقتلت في الشقة قبل ما تترمي أدوها حقنة توقف قلبها مثلا.
وتابع حسن يوسف: روحنا لندن نزور ابننا محمود ومن أهداف الرحلة إن شمس، تقنعها بالرجوع وكانت بدأت تخس وينزل وزنها، وكان عندها العصب السابع، وبعدين سمعنا إنها اترمت، كانت بتستعد إنها تيجي وترجع.. الله يرحمها زعلت عليها أوي وكنت بعتبرها زميلة تختة الله يرحمها كانت موهبة كبيرة أوي.
وأضاف: سعاد حسني كانت تيجي التصوير معاها ملوخية وهلهلية، ودمها زي الشربات، كانت عبقرية بشهادة فاتن حمامة اللي قالت: السينما قدامها كتير عشان تجيب زي سعاد حسني في براعتها وحضورها.
حسن يوسف يكشف عن علاقته بالراحلة سعاد حسني
واستطرد حسن يوسف: لحظات السعادة كانت قدام الكاميرا، ولكن كانت في حياتها تعيسة وكل زيجاتها كانت فاشلة وأنا كنت زي أخوها، وتكلمني الساعة 2 بليل تقولي إلحقني صلاح كريم هيموتني.. وإنا أنزلها وأقولها خليكي زيي شوفي نادية لطفي بتعمل ايه بتحسبها بالمللي.. الله يرحمها كانت ممثلة متتعوضش رغم إن فيه بنات كتير طلعوا بعدها.
