الفنان فاروق فلوكس
تحدث الفنان فاروق فلوكس عن نجله أحمد فلوكس، وعن سبب ابتعاده عن الأضواء مؤخرا.
وقال فاروق فلوكس: “أحمد ابني دلوقتي مرِكِز دلوقتي، وعايش مع زوجته أم ابنه ومبيفكرش في حاجة تانية، وده اللي استقر عليه الأمر وأنا سعيد بيه كده”، وذلك خلال لقائه ببرنامج القاهرة اليوم مع الإعلامية نانسي مجدي المذاع عبر قناة اليوم.
وعند سؤاله عن أحد الأعمال السحرية لنجله الفنان أحمد فلوكس من إحدى زوجاته السابقة، قال: “قد يكون، أنا معرفش، أنتي بتسأليني عن حاجة أنا معرفهاش، يعني هو مثلا عرف فلانة الفلانية عملتله سحر أنا هعرف منين أنا حتى كأب عادي هعرف منين”.
وأضاف: أنا عرفت ده بعدين وهو الحمدلله تخلص منها ومن الحاجت اللي كان بيشعر بيها، وابتدى يفوق دلوقتي وأهم حاجة عندي إنه بيصلي الوقت بوقته وبيقري القرآن بتفسيره.
من ناحية أخرى، أعلن أحمد فلوكس تصالحه مع الدكتور أشرف زكي نقيب المهن التمثيلية وذلك بعد سنوات من الخلاف بينهما.
ووصف أحمد فلوكس، في تصريحات صحفية، ما حدث منه تجاه زكي بـ”فعل شيطان سام”، موضحا أنه في النهاية لا يبقى إلا الأصول والعودة للحق، ولن ينسى فضله عليه، قائلا: “هو من بنى أحمد الفنان”.
وتابع: “هذا الرجل كان الأمان في بدايتي، وكان في وحدتي وحزني.. لذلك ذهبت لأستاذي ومعلمي لأن مهما كان ليس ما حدث هو الفصل الأخير في قصتنا”.
ومؤخرا،هاجم الممثل المصري أحمد فلوكس الفنان محمد رمضان بعد سخرية الأخير من والد فلوكس، الممثل فاروق فلوكس لتجسيده دور “صبي رقاصة”.
وكتب الممثل فلوكس على صفحته الخاصة على موقع التواصل الاجتماعي: “شوف يا حماده، انت ترفض إنك تعمل دور صبي رقاصة لأنك دايما نمبر وان، فأكيد هتبقي عينك على دور الرقاصة نفسها، مش الصبي بتاعها، وانت ما شاء الله ناجح في ده جدا وبتعمله سهل وانت عريان ما دريان”.
وختم: “وبعدين مش شرط تعمل دور صبي رقاصة، ممكن تكون نجم كبير بس أخلاقك أخلاق صبي الرقاصة، وده الأخطر مع إن والله صبي الرقاصة ولا بيقهر حد ولا بيظلم حد، ولا ليه في سكك الشيوخ والدجل، ولا نصاب ولا بيحكها مع الكبار”.
