ياسمين عز تُحذر السيدات من اصطحاب حلة ورق العنب في المصيف: «فرعونك هيعكنن عليكي»
كتبت: ياسمين ياسر
الإعلامية ياسمين عز
أوضحت الإعلامية ياسمين عز، السبب وراء اصطحاب السيدات “حلة ورق العنب” عند السفر إلى الساحل الشمالي أو المصيف.
وخلال تقديمها برنامج “كلام الناس” المذاع اليوم الخميس عبر فضائية “إم بي سي مصر”، قالت ياسمين عز، إن غالبية الناس توجهت إلى المصيف وهناك من ذهب لزيارة العائلة في الريف.
وقالت: “من النهاردة ليوم الأحد إجازة 4 أيام، في اللي راح جمصة والساحل الشكالي وإسكندرية ورأس البر ومرسى مطروح الكل مقضيها عوم وبلبطة، ومدام إنتي مسافرة ليه واخده معاكي حلة ورق العنب”.
وتساءلت عن السبب وراء اصطحاب السيدات “حلة ورق العنب” إلى المصيف، مضيفة: “معاكي إنك تكوني موفرة لأن الأسعار في كل حتة غالية ومفيش أي مشكلة في الأكل اللي تأخديه معاكي لكن ليه الحلة دي وبعدين هتجيبي شوربة تسقي ورق العنب منين يا روح قلبي”.
وتابعت: “تخيلي شايلة الحلة على قلبك من القاهرة لغاية المصيف وبعدين تعمليها بالمرقة وتطلع مش حلوة، يقوم فرعونك حبيبك يقفش وأنتي تزعلي وتقوموا تعكننوا عليكم وعلى العيال والمصيف يتحول لمأساة وكل دا عشان حضرتك طلبت معاكي حلة ورق العنب”.
تغزلت الإعلامية ياسمين عز، في أحدث حلقات برنامجها “كلام الناس” الذي يعرض عبر قناة “MBC مصر” في المهندسات.
وأضافت: “عارف مصطلح ع الفرازة وبنت زي الكتاب ما بيقول أهو ده معمول عشان المهندسة.. بعدين أوعى تصدق الاشاعات المغرضة اللي بتتكتب على جروبات الجامعة وبتقولك إن بنات هندسة دول مسترجلين ولا مش حلوين لأ أحلى بنات وأكتر أنوثة ده كلام عاري تمامًا من الصحة ما تصدقهوش.. المهندسات دول يا فندم ملكات جمال.. ملكات جمال من نبت شعرهن لأخماصهن.. عارف أخماصهن ولا مش عارفها؟ أخماصهن اللي هو الصباع الصغير ده اللي ممكن تقف تصوت منه لما تتخبط في كرسي الترابيزة.. أهو بنات هندسة بقى الأخماصهن بتاع هن ده عمره ما يتخبط في الترابيزة ليه؟ لأن كل خطوة عندها بحساب.. وكل قرار بتاخده بيكون محسوب بالمازورة والملي”.
وتابعت: “باختصار كده حياتك معاها هتكون ماشية بالمسطرة.. مصروف البيت خزين المطبخ فواتيرك أقساطك وكل حاجة بالمسطرة.. بمناسبة المسطرة هقولك على ميزة رهيبة في مراتك أو في الست المهندسة مش هتلاقيها في أي واحدة تانية.. دايمًا هتلاقي حواجبها الاتنين قد بعض بالظبط.. عكمرك ما هتلاقي حاجب على شكل 8 ده ع العين اليمين.. واللي ع العين الشمال على شكل سمبوكسة لأ معندهمش كده زي ما كتير بيحصل وزي ما بنشوف عند بنات كتير اليومين دول.. خدها قاعدة كده البنت المهندسة بتتعرف من حواجبها.. بتلاقيهم مظبوطين كده وقد بعض بالظبط وبالمللي”.
