المطرب حمزة نمرة
كشف المطرب حمزة نمرة عن سبب تسمية ألبومه الجديد بـ رايق، والذي من المقرر طرحه بداية من يوم الأربعاء المقبل الموافق 19 من شهر يوليو الجاري، مشيرا إلى أنه طرحه مخصوص بسبب رغبته في دفع الأشخاص للروقان.
حمزة نمرة عن ألبوم رايق: لكل واحد قرر يبطل جري ويمشي على مهلة
وكتب حمزة نمرة عبر موقع تبادل الصور والفيديوهات انستجرام: . رايق قليل اوي اللي عرف يوصل للحالة دي. كل حاجة حوالينا بقت بتزود القلق.. تفتح موبايلك وتقلب في صور الناس وأخبارهم تحس إنك في سباق وكله سابقك و متأخر وفايتك كتير أوي.. لازم تجري عشان يادوب تحصلهم..لكن مهما جريت أو أنجزت برضه حاسس إنه مش كفاية، يمكن قدراتك وظروفك مش دايماً مساعداك. او يمكن مكتوبلك حاجة احسن.
وتابع حديثه: أنا سميت الألبوم ده رايق عشان أنا فعلاً عايز أكون رايق، و عايز أبطل قلق.. ف لحظة كده وقفت وقلت لنفسي: ليه لازم أجري أصلاً! ومين قال إني في سباق.. مش فايتني كتير ولا حاجة.. خليني رايق.. رايق وتقيل وراسي.. أغنية رايق لكل واحد قرر يبطل جري و يمشي على مهله.. ويستمتع بالطريق معايا. و الأهم يعيش رايق.
حمزة نمرة يتألق بأغنية فاضي شوية
يذكر، أنه تألق حمزة نمرة في أغنية فاضي شوية، التي أحدثت ضجة عريمة عبر مواقع التواصل الإجتماعي المختلفة، وجاءت كلماتها: آه يا سلام سيبنا الوقت يعدي أوام ما حسبناش اللحظة الجاية ده إسمه كلام عيشنا العمر نربّي حمام بس نسينا نقوم غيّة وما يهمكش عادي إسمع مني الساعة دي مش وقت عتاب أو لوم آه فيها إيه لو نرجع ثاني وبدل ما تكون وحداني تسندني معاك ونقوم فاضي شوية نشرب قهوة في حتة بعيدة إعزمني على نكتة جديدة وخلّي حساب الضحك عليّ فاضي شوية نشرب قهوة في حتة بعيدة إعزمني على نكتة جديدة وخلّي حساب الضحك عليّ ده احنا يا ذوب ما لحقناش نقرا المكتوب علشان نلقى هموم وقسية ده إسمه كلام عيشنا العمر نربّي حمام بس نسينا نقوم ِغيّة عارفك مشغول ليام دي ما أنا زيك بس عندي حكايات صعب أخبيها واكمنك داري بحالي مذاكرني وعارف مالي مستني عشان أحكيها
