الفنانة أمال رمزي
حلت الفنانة أمال رمزي ضيفة على برنامج “كلام الناس”، الذي تقدمه الإعلامية ياسمين عز على شاشة قناة mbc مصر والذي كشفت من خلاله عدد من التصريحات الخاصة بحياتها الشخصية والعملية.
أمال رمزي: جوزي خاني مع رقاصة ومش بسامح في الخيانة
تحدثت أمال رمزي عن زيجاتها، فقالت: الزيجة الأولى كان عندي 17 سنة وكان بيني وبينه 12 سنة، كنت متزوجة من المخرج كمال صلاح الدين لكن وخاني مع راقصة من بتوع زمان ولاد الحلال قالولي وروحت قفشته لأنه كان بيستنها كل يوم في الكازينو، واللي بلغني ارملة بليغ حمدي وهي واختها كانوا في الوسط ومش بسامح في الخيانة.
وتابعت حديثها، قائلة: أنا اتجوزت 4 مرات والزيجة التانية كان مهندس ومقاول وقعدت معاه 20 سنة وكان كويس لدرجة انه انتجلي، وكان بيغير عليا وحبني انا وأسرتي.
أمال رمزي تكشف امكانية زواجها مرة أخرى
وتطرقت أمال رمزي بـ حديثها عن الأنباء المترددة بشأن زواجها مرة أخرى خلال الفترة الحالية، فقالت: :غلط طبعا ده كلام جرايد لأني أرملة بطل من أبطال الصاعقة ومستحيل اتجوز بعده، وهو حبني الحب الحقيقي كان بيشلني يطلعني الدور السادس وعمه وزير الدفاع وكلهم عيلة مرموقة.
ولم تكن تلك المرة الأولى التي قالت فيه هذا التصريح، ففي برنامج تليفزيوني سابق، قالت أمال رمزي: “مش بفكر في الارتباط، لأني مش هلاقي زي اللي كنت متجوزاهم، أنا اتجوزت أربعة، وأكتر واحد ريحني كان من أبطال الصاعقة وعيشت في سعادة معاه 3 سنين، كأنه عايش عشان يبسطني ومكنش خاين، كان من البيت للجامع ومن الجامع للبيت”.
تصريحات أمال رمزي
وسبق وتحدثت أمال رمزي عن تفاصيل خلافها مع عادل إمام، حيث قالت: “أنا زعلت من عادل إمام لأن كان هيعمل البيه البواب وأنا كنت هبقى مراته فهو اعتذر وأحمد زكي عمل بداله، فجه أحمد زكي قالي مينفعش تبقي مراتي لأن أنت حلوة وأنا عايز زوجة سودة زيي، أنما مش ممكن أسيبك وأروح لصفية العمري انتوا الاتنين لحم أبيض، وقالي ممكن تعملي الضيفة وأجرك يكون هو هو فقلت له أوكيه”.
