الفنانة ميرهان حسين
خرجت الفنانة ميرهان حسين للجمهور موضحةً حقيقة اعتزالها التمثيل، بعدما أعلنت خلال الفترة الماضية نبأ اعتزالها بسبب الشلالية في الوسط الفني وعدم شعورها بالتقدير.
حقيقة اعتزال ميرهان حسين
ونشرت ميرهان حسين مقطع فيديو عبر خاصية ستوري لحسابها على انستجرام، قائلة: أولا وحشتوني جدًا، وآسفة أني اختفيت عنكم الفترة دي، واختفيت عشان أرجع أحسن من الأول، بجد مش عارفة أشكركم ازاي على حبكم واهتمامكم اللي شوفته الفترة اللي فاتت شكرا لكل أصحابي وأهلي زمايلي والناس اللي بتحبني، وفعلا لولاهم مكنتش هعرف أعدي الأيام اللي فاتت دي.
وأضافت ميرهان حسين: وبخصوص موضوع اعتزالي، أنا مكنتش أقصد إني بعتزل الفن أنا كنت أقصد إني بعتزل السوشيال ميديا، أعتزل الناس لفترة؛ عشان كان عندي إحباط وعديت بفترة فيها إحباط زي أي بني آدم ممكن يعدي بفترات حياته بيتعب ويكتئب، وبوقفة الناس اللي بيحبوه جنبه بيقدر يعدي الوقت الصعب ده.
وأردفت ميرهان حسين: كنت مش في احسن حالاتي وبوقفكم جمبي ودعمكم ليا رجعت احسن وإن شاء الله الأيام اللي جاية يارب تكون الأحلى وأحسن في حياتي.
واختتمت ميرهان حسين حديثها: وفعلا بوقفتكم جنبي وحبكم ليا إن شاء الله قادرة أعدي، وأوعدكم الفترة الجاية بحاجات حلوة وميرهان اللي بتحبوها، بجد شكرا.
طارق الشناوي: ميرهان حسين كان لديها طموح أن تصبح نجمة
وأشار طارق الشناوي إلى أن ميرهان حسين، كان لديها طموح أن تصبح نجمة، وهذا الطموح مشروع خصوصًا أنها تحمل العديد من مقومات النجومية، معلقًا: شكلها حلو وصوتها حلو وجسمها حلو وعندها قبول على الكاميرا لكن وهج النجومية محصلهاش.
وأكد طارق الشناوي، أن هناك دائمًا وسائل دفاع لدى الفنان وهي أن لديها الموهبة الفنية، ولكن العيب على الطرف الآخر داخل مجال الفن، وليس هذه وسيلة الدفاع لدى ميرهان حسين فقط ولكن لدى كل من يحاول إثبات ذاته داخل مجال الفن.
طارق الشناوي: ممكن حد يشتغل مش بموهبته علشان فيه قوة دفع بتشغله
ونوه طارق الشناوي، بأن مجال الفني، لدية معدلات لا يمكن أن تتغير، ومن المستحيل أن هذه المعدلات تساهم في نجاح الفنان طوال الوقت، إذ أوضح: ممكن حد يشتغل مش بموهبته علشان فيه قوة دفع بتشغله، أو حد بيدفع فلوس ووارد جدًا وموجود وهيظل موجود، لكن دا لا يعني الاستمرار، ولا يعني أيضًا أن مفيش حد ممكن يطلع إلا إذا كان مسنود بقوة اقتصادية أو بعلاقات.
طارق الشناوي: يومي فؤاد لم يصبح نجم ومطلوب إلا في السنوات الأخيرة
استكمل طارق الشناوي: بدليل هل منى زكي نجاحها ليه علاقة غير بـ منى زكي، منة شلبي نجاحها لية علاقة غير بـ منة شلبي، وأيضًا أمينة خليل وهكذا، والفنان بيومي فؤاد لم يصبح نجما ومطلوبا إلا في السنوات الأخيرة، في النهاية العرض والطلب بيحكم، وممكن فنان يكون فيه كل المواصفات لكن القدرة على الجذب يفقدها.
