الفنان عمرو مصطفى
حرص الفنان عمرو مصطفى الرد على تساؤل المطرب أحمد سعد حول أول مغني بالذكاء الاصطناعي، موضحًا رأيه في ظهوره بالقميص الشفاف مؤخرًا.
رأي عمرو مصطفى في إطلالة أحمد سعد
وقال عمرو مصطفى في لقاء تلفزيوني له: لو أنا هرد عليه شرير هقوله عشان أعرف ألبسه يا أحمد براحتي، لو هبقى طيب هقوله اللي أنت يعجبك غنيه.. كل بني آدم حر بس احنا عندنا أجيال بتمشي ورانا.. لازم يشوفوا القدوة بشكل جيد، وأنا من أكتر الناس اللي بشكر في أحمد سعد وأنا بحبه شخصيًا وعلى فكرة اتظلم كتير، لأن دا صوت كان المفروض يطلع من زمان.
وتابع: احنا مشتغلناش سوا، بس أنا بحبه وبحب صوته لكن بالرغم من دا احتكار الموسيقى والمنتجين اللي كانوا محتكرين الموسيقى لكنه عافر ونزل وقعد يغني بالبيانو وعلى اليوتيوب، وجاهد عشان يوصل، وأول ما توصل في المكان دا متخليش حد يقولك ألبس كذا لأن أنت بتمثل شكلنا كعرب وبتمثل بلدك مصر.
أحمد سعد وعمرو مصطفى
وسبق وأن حرص الفنان أحمد سعد التعليق على إعلان الملحن والمطرب عمرو مصطفى عن تقديمه لأول مغني بالذكاء الاصطناعي في العالم، وذلك من خلال منشور عبر حسابه الشخصي على موقع تبادل الصور والفيديوهات إنستجرام.
ونشر أحمد سعد صورة طريفة لها يظهر فيها وكأن إنسان آلي، وعلق عليها قائلًا: “الأستاذ عمرو مصطفى هتعمل مغني بالذكاء الاصطناعي ليه، احنا قصرنا معاك في حاجة ؟”، وقد حاز المنشور على إعجاب عدد كبير من الجمهور والمتابعين.
عمرو مصطفى عن الذكاء الاصطناعي: فرصة لورثة نجوم الزمن الجميل
وعلى صعيد آخر، حل المحلن عمرو مصطفى ضيف على برنامج et بالعربي، والذي تحدث خلاله عن خاصة بـ إعادة إحياء نجوم الزمن الجميل من خلال تقنية الذكاء الاصطناعي.
قال عمرو مصطفى عن استخدام تقنية الذكاء الاصطناعي: أنا شايف أن ورثة كل العظماء اللي توفوا جاتلهم الفرصة أن يحيوا ذكراهم بأغنية جديدة، الورثة نفسهم ممكن يختاروها وكمان الجمهور، وأنا بعتبر مي فاروق من أهم الأصوات المصرية، ومش غرور بس أنا اسمي وشغلي والـ 30 سنة اللي اشتغلتهم يسمحولي إني أجرب وأشوف، الصناعة وصلت لدرجة كبيرة من الانحدار في وطننا العربي كله، وعشان نقدر نعمل حاجة نرتقي بيها بالشعوب العربية رجعنا للتراث والمزيكا والموسيقى الشرقية
