ياسمين عز تنصح سيدة شاهدت زوج شقيقتها مع امرأة أخرى: «يمكن نظرها ضعيف وبيعديها الطريق»
كتبت: ياسمين ياسر
الإعلامية ياسمين عز
ردت الإعلامية ياسمين عز، على سؤال إحدى مشاهدات برنامجها «كلام الناس»، والتي طلبت فيه نصيحة «عز» بعد رؤيتها لزوج شقيقتها مع امرأة أخرى، سائلة عن كيفية التعامل مع هذا الأمر.
وقالت السائلة: «أنا شوفت جوز أختي ماشي مع واحدة تانية في مكان عام، ومشبك إيده في إيديها، ولحد النهارده مش عارفة أعمل إيه؟ أقول لها ولا لأ؟».
وأوضحت «عز»، خلال برنامج «كلام الناس»عبر قناة «ام بي سي مصر»، اليوم الجمعة: «أحسن حاجة عملتيها إنك مقولتيش لأختك على اللي حصل وسخنتيها على جوزها».
وأضافت: «عين العقل إنك محكتيش لها على اللي حصل، لأنك مش هتستفيدي حاجة، هتستفيدي إيه لما تتخانق مع جوزها أو تتطلق، ده غير إنك ما تتضمنيش رد فعل أختك، ممكن تقولك أنا واثقة فيه وإنتي غيرانة مننا عشان جوزك ما بيحبكيش».
وتابعت «عز»: «إنتي لسة واثقة أوي إن جوز أختك بيخونها، مش يمكن ست نظرها ضعيف وبيوصلها لمحل أو بيعديها الطريق، نفترض حسن النية، كل شيء وارد في الدنيا».
علقت الإعلامية ياسمين عز على حفل زفاف ولي عهد الأردن، مؤكدة أن محبة عائلة الزوج من محبة الزوج لأن الحياة ليست حربًا.
وقالت ياسمين عز في برنامجها كلام الناس عبر شاشة إم بي سي مصر: كلنا شوفنا حفل زفاف ولي عهد الأردن، وشوفنا إخوات العريس نسيوا الألقاب ووقفوا يعدلوا الفستان لـ زوجة ولي العهد، ونفسي بناتنا يستوعبوا الدرس ويتعلموا التقدير من الملوك والأميرات لأن الحياة مش حرب ومحبتك لـ زوجك من محبتك لأهله.
وواصلت ياسمين عز: فيه بنات عندنا بيمنعوا قرايب العريس من حضور حفل والزفاف، وبقولهم ليه بتعملوا كدا؟ محدش هيخطفه منك لأنه جالك أنتي والحياة مش حرب.
كما وجهت ياسمين عز عددًا من النصائح للسيدات، قائلة: لو شوفتي بالصدفة زوج أختك مع واحدة تانية أوعي تقولي لها وتخربي بيتها، لأن يمكن بيعمل خير وبيساعد واحدة نظرها ضعيف وبيوصلها، ويمكن هي شافت نفس الموقف عمله زوجك لكن كتمت الموضوع خوفًا على مشاعرك.
وسبق وقالت ياسمين عز في تصريحات سابقة ببرنامجها كلام الناس: هفضل أقول كل اللي مؤمنة به ومقتنعة بيه وهو إن مفيش كرامة بين الزوج والزوجة وأول الزواج تحطوا الكرامة في الدرج، وهفضل أتكلم في الأصول واللي اتربينا عليه، لكن مع الأسف دلوقتي بيقولوا عليها موضة قديمة، وبرنامجي بيتكلم عن الحق والأصول وربنا شاهد على كلامي وهيحاسبني لو وقعت واحدة في مشكلة مع زوجها.
