بسمة وهبة: زوجة حسن شاكوش مكذبتش.. ومطرب المهرجانات داير وأكيد عارف إنها مش آنسة

الإعلامية بسمة وهبة

حرصت الإعلامية بسمة وهبة، على تبرئة ريم طارق زوجة مطرب المهرجانات حسن شاكوش، من تصريحات زوجها الأخيرة، بشأن عدم علمه بزواجها السابق.

وقالت بسمة وهبة، خلال لقائها مع برنامج ET بالعربي: في كلام بيدين ريم وأنا هبرأها منه، بيتقال إنها كذبت في إنها كانت متزوجة قبل حسن، لأ ريم مكذبتش، وهي قاعدة معايا في برنامج العرافة، لما هاجمتها وقولتلها إنتي ليه سجدتي شكر لله في الفرح وده كدة شو، قالتلي لأ مش شو أنا كنت سعيدة.

وتابعت: وقالتلي أنا حسيت إن ربنا رزقني بحاجة بيعوضني بيها عن تجربة سابقة عانيت فيها، فطبيعي إن التجربة اللي هي تقصدها دي كانت تجربة زواج.

وأضافت بسمة وهبة: الناس قالت إن حلقة شاكوش وريم طارق فيها خراب بيوت، وأنا فعلا قولتلهم في الحلقة اللي بيقولوا شيخ العرافين ده خراب بيوت، وفي حاجات كمان اتشالت في المونتاج واتخنقت مع شيخ العرافين وقولتله أنت كدة بتخرب البيوت والناس بتهاجمني أنا.

وأردفت: لو أنا السبب في طلاقهم زي ما الناس بتقول كانوا خرجوا من الحلقة واتطلقوا في ساعتها، مكنوش استنوا لبعد رمضان والعيد والفترة دي كلها.

بسمة وهبة توجه رسالة لـ حسن شاكوش

واختتمت بسمة وهبة حديثها، موجة رسالة إلى حسن شاكوش، قائلة: عايزة أقول لحسن أكيد أنت كنت عارف إن ريم كانت متجوزة قبلك، هي أصلا كانت رافعة قضية على جوزها السابق فـ أكيد دي حاجة مش هتستخبى عليك، وحسن داير يعني مش ممكن واحدة تضحك عليه وتفهمه إنها آنسة وهي كانت متجوزة.

التحقيقات مع حسن شاكوش وزوجته ريم طارق

وقال حسن شاكوش في التحقيقات إنه قدم لزوجته ريم طارق، شبكة عبارة عن طقم ذهب مكون من سلسلة فيها ثلاث سلاسل وأسورة وخاتمين ودبلة وكانت ثمنها من حوالي شهرين 100 ألف جنيه.

كما أنكر شاكوش في التحقيقات اتهام زوجته ريم طارق له بسرقة مشغولاتها الذهبية، واتهمها بالاستيلاء عليها وزعم سرقتها، وأنه لم يمنعها أيضا من الحضور إلى الفيلا مسكن الزوجية والحصول على ملابسها وأدوات ومستحضرات التجميل الخاصة بها، قائلًا: هدومها ومكياجها موجود عندي في الفيلا وهي ما أخدتهوش وأنا مش مانعها تاخدهم.

أقوال حسن شاكوش في التحقيقات أمام جهات التحقيق بأكتوبر 

س: وما هي مكونات الشبكة المقدمة وقدرها؟

ج: أنا جبتلها طقم ذهب مكون من سلسلة فيها ثلاثة سلاسل وأسورة وخاتمين ودبلة وكانت ثمنها من حوالي شهرين 100 ألف جنيه.

س: هل لديك سوابق جنائية مماثلة أو أخرى؟

ج: لا.

س: أنت متهم بسرقة المنقولات والمصاغ الذهبي والأوراق المبينة وصفا وقيمة بالأوراق والمملوكة المجني عليها لـ ريم صادق السيد وذلك على النحو المبين بالأوراق؟

ج محصلش.