الإعلامية ريهام سعيد
أعلنت الإعلامية ريهام سعيد توقف إذاعة برنامجها صبايا الشمس خلال هذا الأسبوع، وقدمت اعتذار رسمي لأسرة الفنان الراحل ممدوح وافي وأحمد راتب.
تعرض ريهام سعيد لأزمة صحية
وكتبت ريهام سعيد عبر حسابها الرسمي بموقع التواصل الاجتماعي فيسبوك:أنا بعتذر عن الظهور في حلقاتي الأسبوع ده لدواعي صحية، حاجه تانيه مالهاش علاقه بالمرض أقسم بالله أنا عمري ما قصدت أبدا إن حد يتضايق مني ودائما بتكلم من قلبي.
ريهام سعيد تعتذر لأسرة ممدوح وافي وأحمد راتب
وتابعت: أنا بعتذر لأسر الفنان ممدوح وافي والفنان أحمد راتب رحمهم الله عما أذيع في البرنامج بالرغم من أن المصدر مصر على الخبر حتي وقتنا الحالي الا ان أكيد أسر الفنانين يعرفوا أكثر.
وأضافت: عمري ما قلت خبر من غير مستند لكن العثور على مستند من ٢٣ سنة كان شبه مستحيل، أنا أسفة أنا أكن كل الإحترام لكل فنان زميل ولم أقصد الإساءة أبدا باذاعة هذه الأخبار.
واستطردت: طبيعي إن الفنانين يقفوا جنب بعض في الأزمات لكن إذا الخبر غير صحيح فأنا بعتذر مليون مرة و الأهم من أي حاجة إن محدش محترم يكون زعلان مني أبدا و سيتم الإعتذار على الهواء لأن هذه أصول المهنة مش علشان أي سبب تاني لو ربنا أراد و شفاني.
ريهام سعيد توجه رسالة شكر للفنان أشرف زكي
واختتمت ريهام سعيد حديثها قائلة: وبشكر الدكتور أشرف زكي مليون مرة علي المساندة المستمرة لي ولكل الفنانين الأحياء منهم و الأموات.
على الصعيد الآخر كانت قد فاجئت ريهام سعيد جمهورها بتصالحها مع الفنانة ريم البارودي وذلك بعد قطيعة استمرت لسنوات طويلة بسبب سوء تفاهم.
على الصعيد الآخر، اعتذرت ريهام سعيد للإعلامية أسما إبراهيم:«الاعتراف بالحق فضيلة والاعتذار دائمًا لما يكون واجب عمره ما بيصغر بالعكس بيكبر وبيبين تربية الواحد والحمد لله الميزة الوحيدة اللي فيا إني متربية»، مضيفة «من سنة هاجمت الأستاذ طارق نور عشان أسما إبراهيم فجأة ظهرت واللي كان بيتقال إنها بتنتج لنفسها ومعرفش ده حقيقي ولا لأ ولا ده المهم وساعتها كانت ضعيفة بالنسبالي جدًا إنها تحاور نجوم قامة وكبار وحسيت ساعتها إن المسألة بقت عبارة عن حد معاه فلوس فيظهر على التلفزيون بعد ما سنة عدت أنا بعتذر للأستاذ طارق نور اللي أثبت أن لما الاستاذ يتكلم التلاميذ تسكت أكيد كان عنده نظرة».
وتابعت: «أسما السنة دي عاملة توليفة شاطرة أوي بين السخونة والصدق وعدم الفبركة والضحكة وإظهار الحقيقة والمهنية والمحايدة وكل حاجه حلوة، يمكن في الأول كان في عدم خبرة ورهبة الكاميرا بس السنه دي أبدعتي، بما إني شخصية بتحب كل حاجة تبقي مفهاش غلطة أنا فاهمة أنا ليه كتبت كده وأنا ضد تقييم زملاء بس برضوا كان صعب اعتبر أسما زميلة في سنة واحدة بعد ٢٥ سنة».
وأضافت: «أسما إبراهيم أنا كنت غلطانة وأمتعتينا بابتسامتك الحلوة وموهبتك ظهرت ببراعة كفاية إن في ناس بقالهم سنين ومتعلموش حاجة»، مختتمة «انتي خارج تقييمي أو تقييم غيري محدش له إنه يقيم أنا كنت غيرانة على المهنة في وقت ظهر ناس كتير أوي مالهمش معنى، أهلا بيكي زميلة جميلة رقيقة مع ضيوفك بتحطي السم في العسل البرنامج رقم واحد في رمضان هارد توك إن شاء الله من نجاح لنجاح وكل التحية لميلاد أبي رعد الجندي المجهول وراء نجاح القاهرة والناس وصانع النجوم الأول.. أنا آسفة».
