الفنانة هالة صدقي
نشرت الفنانة هالة صدقي، صورة لها بالتاج من شخصيتها في مسلسل “جعفر العمدة”، عبر حسابها الشخصي بموقع التواصل الاجتماعي “انستجرام”.
وعلقت هالة صدقي مازحة مع المتابعين:” رجالتنا في انجلترا يرجعولي التاج فورا ده انا الملكة”.
وقد لاقت الصورة، تفاعلًا واسعًا من رواد السوشيال ميديا، وهو ما ترك العديد من المستخدمين الآخرين في ذهول منتأثير المسلسل على الناس لمثل هذه الدرجة.
شخصية هالة صدقي فى جعفر العمدة
وكانت هالة صدقي تجسد خلال أحداث مسلسل جعفر العمدة شخصية الحاجة وصيفة والدة المعلم جعفر العمدة وحققتهذه الشخصية نجاحا كبير منذ بدء عرض المسلسل وحتى نهايته.
أبرز تصريحات هالة صدقي
ويستعرض الأجواء أبرز تصريحات هالة صدقي خلال الحلقة على النحو التالي:-
-أنا مخضوضة من نجاح جعفر العمدة وردود الفعل على السوشيال ميديا كبيرة والكلام الحلو اللي جالي قلقني.
ـ لو كنت أصغر 20 سنة كنت هختار دور وداد.
-نجاح جعفر العمدة بسبب محمد سامي.
-فتحت مطعم علشان احتفظ بنفس المستوى الفني.
-كواليس تصوير مسلسل جعفر العمدة كان فيها غيرة بسيطة ما بين الـ5 فنانات.
-دايما كنت عايزة أعرف ليه الممثلين بيبقوا في أحسن حالاتهم مع محمد سامي وكان لغز بالنسبة ليا.
-محمد سامي قالي عايزك في شخصية مش شايف حد تاني فيها، وأكيد لما أجيب هالة صدقي مش هضحى بتاريخها.
-محمد سامي قدر يزيح قشرة كانت موجودة واتشالت وظهرت هالة صدقي تاني.
-أنا بعتبر إن نجاحي في المسلسل ده هو نجاح لبنات جيلي لأن دلوقتي محدش مهتم بينا وبيحاولوا ينزلونا درجة تانية.
-كل الأدوار اللي هتجيلي بعد كده هتكون زي دور صفصف، زي لما عملت أرابيسك جالي الأدوار باسم الشخصية.
-خايفة من نجاحي في جعفر العمدة ومش عارفة هعمل إيه بعده.
-في تشابه كبير بيني وبين صفصف.. مش بعرف أزوق الكلام.
-أنا دمي خفيف أكتر من صفصف ومعظم إيفيهاتها كان كاتبها محمد سامي.
-نصحت الفنانات اللي معايا إن الدور أهم من الاسم على التتر لأنه بيتشال عشان الإعلانات ودورك هو اللي هيبقى.
-قولتلهم مصر كلها هتتكلم على عبايات صفصف ولازم نهتم بيها.
-جالي مكالمة من كاتب مهم قالي معرفتش أكتب إيه بسبب انبهاري بالدور، وبعد ما قفل عيطت في نص حفلة كنت فيها.
-منة فضالي كانت ميتة من الضحك في مشهد الدجالة، وسامي زعق عشان الشباب في البلاتوه يسكتوا.
-عمري ما أحط جلسرين واتحدى أي مخلوق يقول إن الدموع في أي لقطة في حياتي غير حقيقية.
-مش هشتغل عشان الفلوس، وضيعت قبل كدة اللي ورايا واللي قدامي في مشروع غير التمثيل.
-إيمان العاصي كانت بتتخض مني في المشاهد لما كنت بشتمها علشان مكنتش تعرفني.
